Могільнік пестыцыдаў пад Слонімам ліквідуюць да канца кастрычніка

|

Паводле кіраўніка міжнароднага праекта “Абыходжанне з стойкімі арганічнымі забруджвальнікамі” у Беларусі Юрыя Салаўёва, хімікаты ўтылізуюць у Германіі за кошт Глабальнага экалагічнага фонда.

Усяго на праект па знішчэнні пестыцыдаў ужо пайшло каля 4,5 мільёна даляраў ЗША.

 

Юрый Салаўёў: “Мы пазбавіліся небяспечнай крыніцы забруджвання навакольнага асяроддзя. Глеба, у якой знаходзіліся пестыцыды, была патэнцыйнай крыніцай экалагічнай катастрофы – невядома, якія падземныя хімічныя рэакцыі маглі адбыцца”.

Ужо вясной на месцы могільніка пестыцыдаў высадзяць лес.

У Беларусі застаецца яшчэ 5 падобных сховішчаў небяспечных адыходаў: 3 у Віцебскай вобласці, па адным у Гомельскай і  Магілёўскай.