У Гродне з’явілася новае радыё
Зона вяшчання “Гродна Плюс” распаўсюджваецца на Гродна, можна будзе паслухаць радыё і праз інтэрнэт.
Паводле стваральнікаў, новая радыёстанцыя накіравана “на своечасовае інфармаванне пра ўсе значныя навіны і падзеі горада Гродна, задавальненне музычных густаў слухачоў, прапаганду агульначалавечых каштоўнасцей, падтрыманне жыццёвага тонусу гараджан”.
“Гродна Плюс” разлічвае замацавацца на рынку рэгіянальных FM-станцый і цягам 3 гадоў цалкам акупіць затраты. Плануецца не менш як 100% штогадовы прырост прыбытку.
60% вяшчання будзе складаць музыка. Акрамя таго слухачоў чакаюць выпускі навін, аўтарскія праекты і забаўляльныя шоў-праграмы.
Праз гэта новае радыё ставіць мэту “узбуджаць жаданне займацца карыснай працай, творча ставіцца да справы, аб’ядноўваць людзей, проста павышаць настрой сваіх слухачоў”.
Паводле grodno.gov.by
Здымак advertrade.net