Ваўкавыскі следчы ўратаваў дзяўчынку ад педафіла
Ст. следчы Ваўкавыскага раённага аддзела Следчага камітэту Валяр’ян Мураўка увечары 12 лістапада пачуў дзіцячы крык ў раёне пусткі, а пасля ўбачыў мужчыну, які схапіў дзіця.
Нападнік, заўважыўшы сведку, паспрабаваў збегчы, але не здолеў – следчы затрымаў злачынцу.
Высветлілася, што гэта мясцовы жыхар 1973 года нараджэння. У 2006 годзе быў асуджаны за дробнае хуліганства і рабаўніцтва. Тады справу вёў акурат следчы Валяр’ян Мураўка.
Пакуль затрымлівалі злачынку, дзяўчынка збегла. На наступны дзень яе знайшлі ў адной са школ горада.
Вучаніца 4 класа распавяла, што вярталася са школы, калі на прыпынку да яе падсеў незнаёмы мужчына. Ён пачаў заляцацца да дзяўчынкі, а пасля заціснуў рукой рот і пацягнуў на пустыр.
Следчы камітэт па факце нападу на дзяўчынку распачаў крымінальную справу.
Здымак http://ru.tsn.ua