75 тысяч кантрабандных ружаў затрымалі Ашмянскія мытнікі
Супрацоўнікі мытні ў “Каменным Логу” усумніліся, што колькасць кветак адпавядае заяўленай у дакументах.
Аўтацягнік ДАФ накіравалі на дагляд.
Высветлілася, што ў паўпрычэпе перавозіцца на 75 тысяч кветак больш, чым заяўлена, у асноўным – дарагія ружы.
Незадэклараваныя кветкі агульным коштам больш за мільярд рублёў і вагой 5 тон канфіскаваныя.
Час ад часу мытнікі затрымліваюць кантрабандныя кветкі, але такай буйная партыя сёлета трапілася ўпершыню.
Дзяржаўны мытны камітэт сведчыць, што ў падобных выпадках кантрабандысты дзейнічаюць па аднолькавай схеме – пазначаюць у суправаджальных дакументах меньшую колькасць тавару.
Паводле http://belapan.by
Здымак http://news.open.by