Сталыя гарадзенцы плануюць дабрачынныя справы

|

Праграма “Універсітэт Залатога Веку” (УЗВ) дзейнічае пры грамадскім аб’яднанні “Цэнтр “Трэці сектар” з 2010 г.

 

Сёлета яе слухачамі з’яўляецца 140 гарадзенцаў ва ўзросце ад 55 год і вышэй.

 

Адной з мэтаў УЗВ з’яўляецца сацыяльная актывізацыя сталых людзей. Таму штогод у межах праграмы арганізуецца “Школа добрых справаў”. 

 

Нядаўна адбылася першая сустрэча па планаванні дзейнасці “Школы добрых справаў” на 2013 г.

 

Ідзе прэзентацыя ідэяў добрых справаў, якія слухачы УЗВ плануюць здзейсніць у 2013-м годзе

 

Акрамя ўжо традыцыйных збору кніг і рэчаў, гэтым разам слухачы УЗВ запланавалі прыборку старых могілак, навядзенне парадку каля Царквы Ўсіх Святых у Румлёўскім парку, дапамогу адзінокім хворым людзям і г.д.

 

Зараз ідзе актыўнае фармаванне валанцёрскіх групаў, якія будуць каардынаваць тую альбо іншую дабрачынную акцыю. 

 

Ход рэалізацыі запланаваных добрых справаў будзе адлюстроўвацца на блогу праграмы.

 

Фота аўтара