У Гродне ўсталявалася зімовае надвор’е. Пакуль без снегу
Пасля адлігі, у цэнтральнай частцы Гродзенскай вобласці снегу амаль не засталося, у асобных раёнах вышыня снежнага покрыва складае ад 2 да 4 см, месцамі – меньш за 0,5 см.
Сёння апоўдні ў Гродне было -5,4º С.
Паводле прагнозу “Гроднааблгідрамета” ў бліжэйшую ноч у Гродне будзе воблачна з праясненнямі, магчымы невялікі снег, на асобных участках дарог галалёдзіца, тэмпература паветра -6…-8º С, па вобласці – да -11º С.
9 студзеня днём чакаецца -3…-5º С, воблачнае з праясненнямі надвор’е, вецер паўднёвы 3-8 м/с.
10 студзеня будзе воблачна, часам снег, мокры снег, слабы галалёд.
Вецер паўднёва-заходні 5-10 м/с, днём парывы да 14 м/с.
Тэмпература паветра ўначы -3…-8°С, днём -4…+1°С.
11 студзеня – часамі снег, уначы слабая завіруха, на асобных участках дарог галалёдзіца.
Вецер паўднёва-заходні 5-10 м/с.
Тэмпература паветра ўначы -3…-8°С, днём -2…-7°С.
Паводле папярэдніх прагнозаў 12-14 студзеня на большай частцы тэрыторыі Гродзенскай вобласці пройдзе кароткачасовы снег.
Тэмпература паветра 12 студзеня ўначы -5…-10°С, днём -3…-8°С; 13 студзеня ўначы -7…-12°С, днём -5…-10°С, 14 студзеня ўначы -10…-15°С, днём -5…-10°С.
Здымак http://www.liveinternet.ru