З-за неасцярожнага палення на Гарадзеншчыне загінулі 3 чалавекі

|

Як паведаміла прэс-служба ГШродзенскага абласнога МНС, выпадковы мінак звярнуў увагу на полымя ў вакне жылога дома па вуліцы Карла Маркса і з сотавага тэлефона выклікаў выратавальнікаў.

У кватэры на другім паверсе двухпавярховага дома жыў пенсіянер. Увайшоўшы ў памяшканне, выратавальнікі пачалі шукаць людзей.

 

Першай знайшлі і выратавалі жанчыну, якая шпіталізаваная ў рэанімацыйнае аддзяленне раённай бальніцы.

Гаспадар кватэры і ягоны 57-гадовы госць задыхнуліся.

Агонь знішчыў ложак, пашкодзіў маёмасць.

Папярэдняя прычына пажару – неасцярожнае паленне.

 

Праз некалькі гадзін на аналагічны выклік выехалі гродзенскія выратавальнікі.

Пра пажар у кватэры суседзяў паведаміла жыхарка дома на вуліцы Камарова.

 

У кватэры на 5 паверсе жылі пенсіянер 1936 года нараджэння з 40-гадовым сынам. Абое стаялі на ўліку ў наркалагічным дыспансеры як злоўжывальнікі алкаголю.

 

Паводле суседзяў, напярэдадні здарэння гаспадары таксама былі нападпітку.

Сяна знайшлі нежывым. На месцы, дзе стаяла канапа, засталася тоькі жменя попелу.

Хутчэй за ўсё, пажар здарыўся з-за палення загінулага.

 

Калі выратавальнікі знайшлі пенсіянера, той ледзьве падаваў прыкметы жыцця. З дыягназам “вострае атручванне прадуктамі гарэння” ён змешчаны ў шпіталь.

 

Здымак http://112.by