Удзельнікі акцыі “Каляды ў Элізы Ажэшкі” сабралі падарункі для 350 дзяцей
Сродкі збіраліся праз правядзенне аўкцыёну карцін гродзенскіх мастакоў, студэнтамі-валанцёрамі ў буйных гандлёвых цэнтрах, у храмах.
Атрымалася сабраць больш за 66 мільёнаў.
300 падарункаў атрымалі дзеці-ўдзельнікі мерапрыемстваў акцыі.
Акрамя таго, у часе вернісажа дзіцячага малюнка дзеці пакінулі Дзеду Марозу свае пажаданні наконт падарункаў.
Гэтыя замовы таксама атрымалася выканаць.
Падарункі выхаванцам дзіцячых дамоў (ровары, мабільныя тэлефоны, энцыклапедыі, гадзіннікі, футбольныя пальчаткі, лялькі і г.д.) даставіў сам Дзед Мароз разам з іншымі ўдзельнікамі дабрачыннай акцыі.
Арганізатар “Калядаў у Элізы Ажэшкі” – праект “Жывая гісторыя” Гродзенскага ўніверсітэта імя Янкі Купалы.
Акрамя збору сродкаў, ладзіліся разнастайныя мерапрыемствы, якія дазвалялі пагрузіца ў атмасферу Раства перыяду канца 19 – пачатку 20 стагоддзяў, знаёлілі з жыццём вядомай пісьменіцы. Для дзяцей-сірот зладзілі калядныя елкі, канцэрт, сустрэчы, вернісаж дзіцячага малюнка.
Паводле http://grodno-region.gov.by
Здымак http://grodnonews.by