Гарадзенскія вясельныя фатографы зладзілі выставу

| Без катэгорыі

Выстава вясельнага фота ў Гродне ладзіцца чацвёрты раз. У гэтым годзе акрамя аўтараў з гучнымі імёнамі былі прадстаўлены і некалькі маладых фатографаў.

 

Удзельнікі выставы

 

Як для выставы абіраліся аўтары распавёў Аляксандр Мінько, арганізатар мерапрыемства, вясельны фатограф:

 

“Рашэнне было прынята калегіяльна. Собраліся 10 больш запатрабаваных гарадзенскіх вясельных фатографаў і прапаноўвалі кандыдатуры. У нас іх атрымалася прыкладна 20. Потым кожны мог выбраць толькі 10”.

 

Гасцей выставы сустракалі і забаўлялі мімы

 

Каардынальна ў гэтым годзе фармат выставы не змяніўся. Змяніўся памер здымкаў. На сценах галерэі сустракаюцца фота шырыней каля метра.

 

 

Убачыць фотаздымкі гарадзенскіх вясельных фатографаў можна будзе да 24 лютага. Магчыма, у час працы выставы будзе арганізавана дзяжурства аўтараў. Наведвальнікі змогуць сустрэцца і пагутарць з імі.

 

Тэма выставы аказалася вельмі папулярнай і запатрабаванай – гасцей набралася поўная зала


Удзельнікі нават на выставе на расставаліся з прыладамі працы

 

Здымкі Яна Лялевіча