Транспамежная праграма – супраць атлушчэння жыхароў Ашмян

|

Праект міжнароднай тэхнічнай дапамогі па праграме транспамежнага супрацоўніцтва “Польшча-Україна-Беларусь” прайшоў працэдуру ухвалення ў Саўміне Беларусі.

 

Асноўныя сродкі праекта будуць накіраваныя на ўзвядзенне спартовых аб’ектаў у Ашмянскім раёне і Пжэбродзе (Польшча).

З 1 мільёна 674 тысяч еўра, на фінансаванне беларускай часткі пойдзе больш за 615 тысяч еўра.

10% выдаткаў возьме на сябе мясцовы выканкам.

 

У Ашмянах сродкі пойдуць на будаўніцтва летняга стадыёна.

Цягам 2 гадоў адкрыты стадыён з трыбунамі на 500 месцаў будзе гатовы.

Праект прадугледжвае футбольнае поле, бегавыя дарожкі, зону для кідання ядра і іншае.

 

На сёння гарадскога стадыёна ў Ашмянах няма.

 

Транспамежны праект прадугледжвае таксама арганізацыю спартовых і культурніцкіх мерапрыемстваў, якія павінны будуць прыцягнуць увагу насельніцтва да спорта і фізічнай культуры.

 

Паводле http://www.belta.by

Здымак http://15portal.ru