Крыжовы шлях і Вербная працэсія пройдуць па Гродне

20 сакавіка 2013 Кася Крот |

Пасля імшы, якая будзе служыцца ў катэдральным касцёле ў 19 гадзін, працэсія вырушыць на Савецкую плошчу.

Працэсія са свечкамі пройдзе з прыпынкамі каля палаца культуры тэкстыльшчыкаў, кнігарні “Раніца” да пабернардынскага касцёла.

Крыж па чарзе будзе несці моладзь кожнай гарадзенскай парафіі.

24 сакавіка, у Вербную нядзелю, у 13 гадзін распачнецца Вербная працэсія.

Пасля асвячэння вербачак перад уваходам у пабернардынкі касцёл, шэсце праз Савецкую плошчу накіруецца да Фарнага касцёла.

У межах урачыстасці пройдзе конкурс на самую прыгожую парафіяльную вербачку.