Гарадзенец сур’ёзна пацярпеў у часе выбуху ў Сакулцы

|

Выбуховай хваляй цалкам разбурана 6 гаражоў, пашкоджаны гаражы насупраць.

 

Моцныя пашкоджанні атрымаў транспарт, які знаходзіўся ў гаражах.

 

 

На месцы выбуха знойдзены 22-гадовы беларус, паводле папярэдняй інфармацыі – жыхар Гродна.

Яго заваліла абломкамі гаража, а побач сгарэў аўтамабіль.

 

Выратавальнікі выцягнулі хлопца з вагню і на верталёце даставілі ў апёкавы цэнтр.

 

Разглядаецца 2 прычыны выбуху: узгаранне пароў бензіну альбо газу.

 

У гаражы захоўвалася шмат каністраў, мяркуецца, што гэта было кантрабанднае паліва з Беларусі, якое ў момант выбуху маглі пераліваць.

 

Знойдзеныя сляды таго, што перад выбухам кіроўца выкруціў элементы з газавай устаноўкі.

 

 

На месцы выбуху працуе паліцыя, пракуратура вядзе разбіральніцтва.

 

 


Здымкі і відэа isokolka.eu і Martyna Tochwin, wspolczesna.pl