10 лютага Гарадзенская мытня адзначыла свой 71-ы дзень нараджэння. Сёлета святкаванне не юбілейнае і прашло “ў працоўным парадку”. Тым больш, што будні мытнікаў таксама часам прыносяць нечаканыя вынікі.
Каманда Broadminded Studio, шырокую вядомасць каторай прынесла знятая з дапамогай дрона відэа-візітоўка горада, працуе над кулінарным відэапраектам Рэцэпт+ . У ім гледачы знаёмяцца з прыгатаваннем розных смачных страваў, каб дадаць ідэй і да свайго стала.
У гарадзенскім заапарку зладзілі навагодняе свята з удзелам сімвалаў года, што сыходзіць і таго, што настае. 27 снежня дзеці і бацькі весела пабавілі час з аніматарамі-снегавікамі, выкрывалі хітрыкі бабы-Ягі і сустракаліся з жывёламі: кармілі на развітанне козачку і частавалі адмысловым “торцікам” малпаў.
Святочны канцэрт этна-гурта Vuraj адбыўся 25 снежня ў рэстаране “Тапаз”. Музыкі прыехалі павіншаваць гарадзенцаў з Калядамі, прэзентаваць новы міні-альбом “Шэсць загадок” і адзначыць свой пяцігадовы юбілей.
Раннія прыцемкі і адсутнасць снегу напярэдадні навагодніх святаў ствараюць усе ўмовы для вечаровых шпацыраў па Гродне. Па-першае – не холадна, па другое – цемра хавае адсутнасць снегу. Галоўнае ж – святочная ілюмінацыя сцвярджае, што, нягледзячы ні на што, святы набліжаюцца.
Вызначыцца з маршрутам вечаровага шпацыру і навагодніх фотасесій можна, паглядзеўшы нашу навагодне-светлавую фотападборку.
Амаль па-вясноваму выглядае Вільня апошнімі днямі. Пра Новы год і Каляды нагадваюць святочныя ўпрыгожанні горада і ялінкі на яго плошчах.
Праект кампаніі «AliveLight» пад назвай «Зімовы 3Dmapping» будзе рэалізаваны 25 снежня на цэнтральнай плошчы горада. Дзякуючы новым тэхналогіям і творчаму падыходу каманды аўтараў будынак палаца тэкстыльшчыкаў на адзін вечар ператворыцца ў экран для трохмернай праекцыі.
Пачаць з новага году новае жыццё гарадзенцам дапамогуць спаборніцтвы, якія пройдуць 1 студзеня ў лесапарку Пышкі. Гэта альтэрнатыва звыклым у святы канапе, тэлевізару і сталу, як для спрактыкаваных бегуноў, гэтак і для тых, хто толькі задумваецца, каб пачаць весці здаровы лад жыцця.
Глабальнае пацяпленне стала тэмай, у якой намагаюцца разбірацца ўсе. Змены ў клімаце заўважныя не толькі звычайным людзям, іх наяўнасць пацвярджаюць і эксперты. Каб спыніць гэты працэс прымаюцца міжнародныя рэгуляцыйныя дакументы. Але як гэта тычыцца нашага штодзённага жыцця? Ці паўплывае Парыжская дамова на працу гарадзенскага “Азота”? І як кожны асобны чалавек можа змагацца з глабальным пацяпленнем?
Пастаноўка рэжысёра Мікалая Андрэева, прэм’ера каторай адбылася ў 1990 годзе, мае шчаслівы лёс – ёй спадарожнічае нязменны поспех на роднай сцэне і фестывальныя ўзнагароды. За час сцэнічнага жыцця спектакль стаў візітоўкай не толькі тэатра, але і горада. Напярэдадні 25-гадовага юбілея спектакля “Твой стыль” склаў невялікую рэтраспектыву гарадзенскіх “Тутэйшых”.
