Святочныя мерапрыемствы прысвечаныя дню вызвалення Гродна стартавалі з урачыстага мітынгу ля помніка воінам і партызанам, якія загінулі ў гады Вялікай Айчыннай вайны, у парку імя Жылібера. Там чыноўнікі з прадстаўнікамі гарадскіх арганізацый і сілавых структур усклалі кветкі і разам з ветэранамі ўспомнілі загінулых салдат, якія вызвалялі Гродна.
Алею афіцыйна адкрыюць каля гарадзенскага кінатэатра “Чырвоная зорка” 19 ліпеня. Яе асаблівасцю стане тое, што на кожнай зорцы будзе напісана імя чалавека, які не толькі зрабіў вялікі ўклад у развіццё мастацтва, але яшчэ і сутыкнуўся з анкалагічным захворваннем і здолеў перамагчы хваробу.
Ураган, які прайшоў у Гродне 11 ліпеня, пакінуў пасля сябе сур’ёзныя наступствы. Акрамя падтопленых вуліц і дамоў, у горадзе пацярпелi і старыя вайсковыя могілкі на вуліцы Белуша: там з-за моцнага ветру дрэвы падалi на помнікі.
Гарадзенец Валеры Маскевiч стварыў 3D-мадэль знакакамiтай Фары Вітаўта, якая дазваляе “пашпацыраваць” па страчанаму помніку архітэктуры.
У Гродне 14 ліпеня далі старт беларускай экспедыцыі, якая за два тыдні павінна па Нёмане на сярэднявечнай ладдзі даплысці да Балтыкі ў Клайпеду на фестываль “Свята мора”.
Моцныя дажджы ў чарговы раз паказалі самыя праблемныя месцы Гродна. Апошняя залева падтапіла некалькі вуліц, крамаў і падвалаў дамоў. На мяжы затаплення аказалася і вядомая галерэя “Тызенгаўз”.
Творчыя гарадзенцы сумесна з летнім кафэ “Клевер” і цэнтрам ПОРА 13 лiпеня прадставілі сцэну “Вар’яцкага чаявання” з “Алісы ў Краіне Цудаў” Люіса Кэрала. Гэтай сцэнай арганізатары паспрабавалі прыцягнуць увагу гарадзенцаў да праблем дзяцей і дарослых, якія сутыкнуліся з анкалогіяй і для якіх час – самы каштоўны рэсурс.
Узгаранне лесавоза адбылося ў 9.40 каля гіпермаркета АЛМІ на праспекце Касманаўтаў. Дзякуючы аператыўным дзеянням звычайных гарадзенцаў, агонь удалося хутка патушыць і пазбегнуць сур’ёзных наступстваў.
Трэк, дзе можна будзе катацца на радыёкіраваных машынках Kyosho, сваімі рукамі сабраў работнік гарадзенскага парка атракцыёнаў Леанід.
Хадзіць у біятуалеты ў Гродне стала небяспечна. На працягу апошняга года года страх на іх наведвальнікаў наводзіць невядомы дарослы мужчына, які выразае дзіркі ў сценах туалетаў, каб падглядваць за тымі, хто зайшоў у суседнюю кабінку.
