Падобна на тое, што і на гэтым тыдні мы не дачакаемся цёплага вясенняга сонейка: у Гродне чакаецца хмарнае надвор’е, моцныя дажджы, магчымы мокры снег (!). Тэмпература паветра ўначы складзе ад плюс 2 да 8 градусаў, удзень — 4-14 градусаў вышэй за нуль.
Гродзенскі дзіцячы Хоспіс працягвае здзіўляць прыгожымі акцыямі: разам з супрацоўнікамі Дзяржаўтаінспекцыі Гродна і Дзіцячай паліклінікі №2 яны ператварылі тэрыторыю, прылеглую да будынку хоспіса, у маляўнічы ўтульны дворык.
Мы разрэзалі здымак на 48 кавалкаў. Збяры пазл правільна, перасоўваючы часткі мышкай ці тачпадам.
У межах суботніка, які праходзіць ва ўсёй краіне 23 красавіка, старшыня гродзенскага гарвыканкама Мечыслаў Гой пасадзіў маладое дрэўца на месцы спілаванага старога ясеня ў парку Жылібера.
Чатыры скрыні кітайскай капусты, адпраўленых, паводле дакументаў, прадпрымальніцай з Гродна свайму партнёру ў Мурманску, былі спаленыя 20 красавіка ў крэматорыі Кольскай станцыі па барацьбе з хваробамі жывёлаў.
З-за дрэннага надвор’я традыцыйны велікодны кірмаш у Гродне ў любы момант можа зачыніцца. Гандляры вымушаныя трымаць свае палаткі, каб іх не знес моцны вецер, а нехта наогул сышоў, як толькі пачаўся дождж.
Жыхары Беларусі сталі больш траціць у кітайскіх інтэрнэт-крамах. Сэрвіс “Яндэкс.Грошы” прааналізаваў плацяжы, зробленыя праз “Яндэкс.Касу” – спецыяльнае плацёжнае рашэнне, да якога падлучаныя больш 75 тыс. расійскіх і замежных анлайн-пляцовак. Высветлілася, што за апошнія 12 месяцаў колькасць пакупнікоў кітайскіх тавараў у Беларусі вырасла на 70%. У цэлым карыстальнікі патрацілі на іх на 50% больш грошай, чым летась, а колькасць плацяжоў павялічылася на 60%.
Доўгія гады ў заапарку спрабавалі вывесці ўнікальны гібрыд. Сёлета эксперымент па злучэнню рыжай самкi з серабрыста-бурым самцом даў станоўчы вынік.
Улады Беластока знайшлі зручны спосаб збудаваць новы аўтавакзал без выкарыстання грошаў з гарадскога бюджэту. Гэтым займаецца варшаўскае прадпрыемства Budner, якое ўзамен атрымае больш за палову тэрыторыі, што зараз належыць прадпрыемству PKS (Дзяржаўная аўтамабільная камунікацыя).
З 26 па 28 красавіка Гарадзенскія цеплавыя сеткі будуць праводзіць выпрабаванні на цеплавыя і гідраўлічныя страты па зоне цеплазабеспячэння “Паўночнай” міні-ЦЭЦ. Гарачай вады не будзе на вуліцах: Багуцкага, БЛК (акрамя №40-46), Горкага (з №72 і далей па цотным баку, з №89 і далей па няцотным баку), Гаспадарчая (№19, 34, 4, 21, 23, 29), Урублеўскага, Друскеніцкі тупік (№2), Дамброўскага, Дубко (№7, №5), Камарова, Курчатава (да №12 па цотным баку, па №17А па няцотным баку (акрамя №1), Мясніцкая (№28), Санаторная, Будаўнікоў (цотны бок), Сухамбаева, Серафімовіча (акрамя №1, 1А, 2, 2/1), Талстога.
А з 12 мая пачнуцца прафілактычныя адключэнні вады ў асобных раёнах горада, піша “Гродзенская праўда”.
