Фарбуемся з Дар’яй Іодэль. Smoky eyes ад пераможцы Сусветнага бодзі-арт-фестывалю

|

“Смоўкі айс гэта не той макіяж, з якім можна схадзіць за хлебушкам, – звяртаецца  Дар’я Іодэль да дзяўчат, што прышлі на занятак у яе студыю. – Але калі ўжо наважыліся, то варта ісці да канца. У сэнсе, хаця б да дыскатэкі”. Калі без жартаў, то Дар’я і сапраўды не збочвае са шляху да мэтаў. Сёлета яна стала пераможцай Сусветнага бодзі-арт фестывалю ў Аўстрыі. У Гродне дзяўчына працуе візажысткай: стварае прыгажосць “тут і зараз” ды вучыць пачынаючых калег і проста ахвотных рабіць макіяж.

Гарадзенка праславілася на Сусветных Днях Моладзі: узняла транспарант “Папа, пазвані мне”

|

Гарадзенка Яна Шостак у час сустрэчы Папы Рымскага Францішка з валанцёрамі Сусветных Дзён Моладзі ў Кракаве узняла транспарант з надпісам „Papa call me” і сваім нумарам тэлефона. Папа пакуль не пазваніў, затое дзясяткі людзей з усяго свету павіншавалі за смеласць і арыгінальнасць.

Гарачыя прапановы халодных напояў. Сем спосабаў наталіць смагу і ахалодзіцца ў Гродне летам

|

Халодныя напоі выдатна дапаўняюць спякотнае надвор’е, яркія колеры і духмяныя водары лета. У гарадзенскіх кавярнях ёсць мноства адпаведных надвор’ю і настрою “ледзяных” прапановаў на любы густ і гаманец.

Бізнес ставіць на жанчын. Трэнінг для дам, што хочуць пачаць сваю справу, прашоў у Гродне

|

Сфармуляваць мэту, скласці бізнес-план, прааналізаваць рынак ці разлічыць падаткі. Як зрабіць гэта правільна, разбіраліся ўдзельніцы трэнінга па практычных асновах бізнесу, што праводзіўся 21-23 ліпеня ў Гродне. Паўдзельнічаць у навучанні змаглі найбольш матываваныя прэтэндэнткі – з 75 пададзеных на Гарадзеншчыне заявак эксперты адабралі 21 удзельніцу. Узрост будучых бізнес-ледзі – ад 19 да 59 гадоў.

Вuon appetito! Італьянскі піцаёла гатуе для гарадзенцаў і (не) раскрывае прафесійныя сакрэты

|

Італьянец Кармела Дэссі ўжо два гады гатуе піцу ў гарадзенскай піцэрыі “Basta Pasta”. У меню ўстановы можна знайсці каля паўсотні відаў гэтай стравы. Калі ж не знойдзецца жаданага спалучэння складнікаў, можна самому скампанаваць начынку. Прыхільнікі традыцыйнай італьянскай стравы ведаюць – хаця піцаёла размаўляе амаль выключна па-італьянску, ён зразумее тонкую душу беларускага гурмана. Каб даведацца пра італьянскія сакрэты піцы ў Гродне мы завіталі да Кармела пад час працы.

Гарадзенскія пажарныя атрымалі срэбра ў першынстве краіны

|

Рэспубліканскі турнір, прысвечаны Дню пажарна-ратавальнай службы, праходзіў 19-22 ліпеня ў Салігорску. Гарадзенцы вярнуліся  са спаборніцтваў са срэбрам і бронзай за камандную эстаферу ў чацвёрках і золатам за пераадоленне штурмавой лесвіцы ў асабістым заліку.

Сезон скончыўся, а забавы працягваюцца. Тэатр лялек у святочным настроі сышоў на канікулы

|

Свята з нагоды закрыцця 35 тэатральнага сезона адбылося ў Гродзенскім тэатры лялек 24 ліпеня. Юныя тэатралы разам з бацькамі і артыстамі ўдзельнічалі ў конкурсах, бавіліся з лялькамі, гулялі ў настолкі ад крамы “Кубік” і частаваліся слодычамі ад кавярні “Шэкспір”. Каб за час канікулаў гледачы не забыліся пра тэатр,  за актыўны ўдзел у конкурсах яны атрымлівалі запрашальныя білеты на адкрыццё новага сезона.

Магія чорнага на SunDay-2016. Топ-7 аўто самага правільнага колеру

|

На Міжнародным аўтафестывалі SunDay-2016, што адбываўся ў Гродне 23 ліпеня, можна было пабачыць каля 200 самых розных аўтамабіляў. На фоне экзатычных мадэляў і машын усіх магчымых адценняў, міжволі ўзгадвалася сцвярджэнне Генры Форда: “Аўтамабіль можа быць любога колеру, пры ўмове, што ён чорны”.

Рэйтынг паводле вясёлкі: на SunDay-2016 сабраліся аўтамабілі ўсіх колераў спектру

|

Міжнародны фестываль аматараў аўтамабіляў 23 ліпеня сабраў у Гродне бльш за 150 выбітных машын з Беларусі і блізкага замежжа. Удзельнікі спаборнічалі ў намінацыях рэтра, цюнінга, аэраграфіі, электрамабіляў, баявых машын ды іншых. Мы склалі каляровы “рэйтынг” аўтамабіляў сёлетняга фэста паводле паслядоўнасці колераў у вясёлцы. Чырвоны, аранжавы, жоўты, зялёны, блакітны, сіні і фіялетавы – любы колер можа пасаваць сучаснаму аўто, даводзіць агляд сёлетняга SunDay.

У Гродне спартсмены ўпершыню прабеглі начную дзясятку

|

Начны забег па перасечанай мясцовасці зладзілі гарадзенскія спартсмены на Каробчыцкім “Алімпе”. Удзел у незвычайных спаборніцтвах, што пачаліся 23, а скончыліся 24 ліпеня, узялі 111 бегуноў. Каб цемра не стала перашкодай для спартсменаў, схілы гор падсвечваліся ліхтарамі. Празрыстасць судзейства забяспечвала сістэма электроннага хранаметража.