У часе прэс-канферэнцыі для расійскіх рэгіянальных журналістаў Аляксандр Лукашэнка сказаў, што хацеў бы “забраць” Калінінградскую вобласць у Расіі, каб развіваць там сельскую гаспадарку. Успомніў ён і пра этнічнае паходжанне Сямёна Шапіры.
У бліжэйшыя дні мае адчыніцца памежны пераход “Прывалка” на мяжы з Літвой. Ён быў зачынены на рэканструкцыю 1 верасня.
Днямі ў СМІ з’явілася інфармацыя са спасылкай на крыніцу ў беларускіх дзяржструктурах, што кампанія “Раснафта” вядзе перамовы аб набыцці часткі “Гродна Азота”. Аднак РІА “Новости”, цытуючы главу “Раснафты” Ігара Сечына, інфармуе, што кампанію цікавяць толькі пастаўкі газу.
Супольны музычны праект, прысвечаны праблеме смяротнага пакарання, ужывую прэзентуюць у байнэце 5 кастрычніка. У праекце ўдзельнічае таксама гарадзенскі музыка Алесь Дзянісаў.
З аўторка 1 кастрычніка замежнікі, што збіраюцца вярнуць падатак VAT за пакупкі ў Польшчы, могуць скарыстацца асобнай паласой руху на памежных пераходах у Кузніцы і Баброўніках.
28 верасня ў Навагрудку ў часе футбольнага матча група прыезджых юнакоў распачала бойку на трыбунах стадыёна. Навагрудскі раённы аддзел Следчага камітэта завёў крымінальную справу па факце хуліганства.
“Бог вечны і рамонты вечныя”, – пажартаваў біскуп Аляксандр Кашкевіч на адкрыцці адноўленага алтара св. Міхала Арханёла ў Катэдральным касцёле ў Гродне. 29 верасня, пасля году рамонтных прац, вернікі змаглі ізноў пабачыць найстарэйшы ў храме алтар.
Адразу ў дзвюх гарадзенскіх галерэях выставіліся мастакі і скульптары з польскага Каліша. Падвойная выстава апынулася надзвычай разнастайнай: тут і графіка, і скульптура, і працы па метале, і нават плакаты.
Старшыня агульнага сходу СТАА “Контэ Спа” Валянцін Байко заняў 10 месца ў штогадовым топ-200 паспяховых і ўплывовых беларускіх бізнесоўцаў, які з 2007 года складае “Ежедневник”.
Суд Ленінскага раёна Гродна 23 верасня вызваліў Анджэя Пачобута ад адбывання пакарання. У 2011 годзе суд прызнаў журналіста вінаватым у паклёпе на прэзідэнта Беларусі і прызначыў пакаранне – тры гады пазбаўлення волі з адтэрміноўкай на два гады.
