У Гродне працуе выстава святочных паштовак (фота)

|

Выстава “Вестачка да свята” адкрылася ў Музеі гісторыі рэлігіі 5 сакавіка. Старыя паштоўкі ХІХ і ХХ стагоддзя, прадстаўленыя на выставе, прысвечаныя Калядам, Вялікадню, Новаму Году, а таксама савецкім святам, такім як 8 сакавіка і 23 лютага.

Фотафакт: чарга на вячэрні распродаж абутку ў Гродне

|

Увечары 21 лютага адна з гарадзенскіх абутковых крамаў зладзіла “чорную пятніцу”. З 19.00 да 23.00 дзейнічалі зніжкі на восеньска-зімовы абутак і на вясеннюю калекцыю мінулага году. У выніку на вуліцы перад крамай утварылася вялікая чарга ахвотных зэканоміць.

Мітрапаліт Павел наведаў гарадзенскую Каложу (фота)

|

Мітрапаліт Мінскі і Слуцкі, Патрыяшры Экзарх Беларусі Павел прыехаў у Гродна на фестываль праваслаўных спеваў “Каложскі дабравест”. У праграме двухдзённага візіту, акрамя канцэртаў: сустрэчы з мясцовымі ўладамі, прадстаўнікамі каталіцкай царквы, студэнтамі, а таксама візіты ў храмы.

У Гродне адкрылася вялікая выстава літоўскіх мастакоў

|

Выстава чальцоў Саюза мастакоў Літвы пад назвай “Памяць і адценні часу” адкрылася ў Гродзенскай выставачнай зале 20 лютага. Яна прысвечана 300-годдзю з дня нараджэння літоўскага паэта Крысцыенаса Данелайціса і прымеркавана да 96 гадавіны адраджэння літоўскай дзяржаўнасці.

У Музеі гісторыі рэлігіі адкрылася выстава “Вялікі цудатворац”

|

Выстава, якая складаецца з больш чым 100 ікон, кніг і іншых прадметаў, прысвечаных святому Мікалаю, працуе ў межах ХІІІ Фестывалю праваслаўных спеваў “Каложскі дабравест”.

У межах “Каложскага дабравесту” прайшоў вечар аўтарскай песні і духоўнай паэзіі

|

У актавай зале прыхадскога комплекса Свята-Пакроўскага сабора выступілі, між іншым, паэты Анатоль Брусевіч і інак Мікалай, гітарыст і лютніст Уладзімір Захараў, спявачка Таццяна Салаўёва і іншыя.

Міжнародны фестываль праваслаўных спеваў “Каложскі дабравест” распачаўся фотавыставай “Нашы храмы”

|

Працы сябраў народнага фотаклуба “Гродна” прадстаўленыя ў абласным цэнтры народнай творчасці па вул. Савецкай, 8. Адкрыццё гэтай выставы стала першай падзеяй у межах ХІІІ фестывалю “Каложскі дабравест”.

У “Крызе” прэзентавалі новую гарадзенскую прозу: сучаснай і гістарычнай тэматыкі

|

На творчай сустрэчы гарадзенскія пісьменнікі Віктар Сазонаў і Аркадзь Ліцьвін прадставілі свае апошнія кнігі, якія выйшлі ў мінулым годзе. Першы з аўтараў піша кароткія творы пра нашых сучаснікаў, другі – прыгодніцкія гістарычныя раманы.

Выстава лідскага мастака Аляксандра Вараксы працуе ў “Крызе”

|

Эксперыментальныя працы – сюжэтныя кампазіцыі і пейзажы – аб’яднаныя пад агульнай назвай “Метамарфозы”. Карціны, прадстаўленыя на выставе, былі створаныя цягам апошніх двух год.

Анатоль Лябедзька прэзентаваў у Гродне “турэмны дзённік” і паўдзельнічаў у пікеце

|

Сустрэча з лідарам Аб’яднанай грамадзянскай партыі прайшла на Будзёнага 48а. Перад гэтым Лябедзька паўдзельнічаў у пікеце ў падтрымку вылучэння сябраў АГП кандыдатамі ў дэпутаты мясцовых саветаў.