Першы ў горадзе конкурс па хуткасным паяданні сушы прайшоў 7 красавіка ў кафэ “Kioto” ў гандлёвым цэнтры OldCity. Каля 20 гарадзенцаў ўдзельнічалі ў конкурсе, але параўнацца ў хуткасці з Русланам Кулевічам не змог ніхто. У выніку журналіст з “Твайго стылю” атрымаў падарункавы сертыфікат, жартоўнае званне “самага японскага гарадавога” і магчымасць паехаць у падарожжа на Мальдзівы… за свой кошт.
Праз суткі пасля публікацыі матэрыяла пра праблемы скейтараў ля драмтэатра, граніт на тэрыторыі аб’екта стаў чыстым. Кіраўніцтва тэатра хутка адрэагавала на праблему. Салідолу больш няма, а моладзь працягвае катацца.
Пасля месяца тэставання першая ў Гродне платная паркоўка пачала працаваць у платным рэжыме. Як і раней, машын на ёй амаль няма. Мы некалькі разоў цягам дня прыходзілі на стаянку, каб параўнаць сітуацыю.
Супрацоўніца крамы “Автоэмаль” на вуліцы Захарава выклікала міліцыю, бо заўважыла на лесвіцы падазроны прадмет. За лічаныя хвіліны супрацоўнікі ўсіх службаў прыбылі на месца званка. Пасля праверкі стала ясна, што прадмет не нясе небяспекі. Здарэнне адбылося 7 красавіка каля 10.00.
Монабрэндавы магазін “Broadway” пакінуў Гродна, а месца ў цэнтры горада здаецца ў арэнду.
На адной з самых ціхіх вуліц горада – Студэнцкай – людзей вобмаль. Таму “дом з ільвамі” вядомы далёка не ўсім гарадзенцам. Яшчэ два гады таму ў ім знаходзілася станцыя пералівання крыві, сёння ж дом заняты бяздомнымі.
Міжнародная “Эстафета Памяці”, арганізаваная ўладзімірскім “Боевым брастством”, прыбыла ў Гродна 6 красавіка. Брацтва плануе за месяц наведаць больш за 150 гарадоў былога Савецкага Саюза.
Велікоднае дрэва, пад якім можна загадваць жаданні, з’явілася ў гандлёвым цэнтры OldCity. Ужо напярэдадні бліжэйшых выходных кожны наведвальнік зможа завязаць на дрэве адмысловую стужачку і такім чынам упрыгожыць пасхальную расліну.
Гарадзенец Валерый занепакоены сітуацыяй, што склалася ля Драмтэатра. Ён звярнуўся ў рэдакцыю “Твайго стылю”, бо ваколіцы самага культурнага месца ў горадзе запэцканы салідолам. Аказваецца, такім чынам супрацоўнікі драмтэатра змагаюцца са скейтэрамi, якія сталі збірацца тут пасля ліквідацыі скейт-парку, што знаходзіўся пад Старым мостам.
Сушы з моднай японскай цікавосткі ператварыліся ў звыклы і нават неабходны для многіх жыхароў Гродна прадукт. Шанец наесціся “на месяц наперад” выпадзе 7 красавіка наведвальнікам кафэ “Kioto” ў гандлёвым цэнтры OldCity. Напярэдадні акцыі сушы-майстар Ілля Кузьмянок расказаў, як прыгатаваць далікатную страву дома.
