У чацвер, 24 сакавіка, на святочны вечар у гонар свята Пурым у сінагогу прыйшлі ўсё ад малога да вялікага. Многія былі ў карнавальных касцюмах. Усе цёпла сустракалі адзін аднаго, віншавалі са святам і дарылі падарункі.
Ці мае Гродна шанцы стаць крэатыўным горадам? І ці патрэбна гэта? Можа быць, лепш ствараць калектыўны горад? Адказ на гэтыя пытанні гарадзенцы шукалі 23 сакавіка ў клубе “Партал” на прэзентацыі конкурса праектаў “Горад”. У Гродна па запрашэнні сайта “Твой стыль” завітала каардынатарка конкурса Надзея Ількевіч.
Каля 12.00 у Гродне эвакуіравалі частку жыхароў дзевяціпавярховіка па вуліцы Захарава, а таксама супрацоўнікаў офісаў і крамаў, якія знаходзяцца на першым паверсе будынка. Прычынай экстраннай эвакуацыі стала паведамленне аб замініраванні.
З прыходам вясны ў гарадзенскім Свята-Пакроўскім кафедральным саборы пачаліся рамонтна-аднаўленчыя работы. Апошні раз яны праходзілі больш за 10 гадоў таму, яшчэ ў пачатку 2000-х.
Міністр Вітальд Вашчыкоўскі ў памяшканні Генеральнага консульства ў Гродне сустрэўся з кіраўнікамі польскіх арганізацый у Беларусі. Ён паведаміў ім, што ў перамовах з беларускімі ўладамі закранаў сітуацыю палякаў, якія жывуць у краіне. Ён сказаў, што дамовіўся з беларускімі ўладамі, што ў бліжэйшы час пройдуць кулуарныя двухбаковыя перамовы, дзякуючы якім непрызнаваны ўладамі Саюз палякаў змог бы зноў легальна працаваць.
Міністр замежных спраў Польшчы Вітальд Вашчыкоўскі, які 23 сакавіка наведаў Гродна з афіцыйным візітам, прайшоўся па цэнтральных вуліцах горада, наведаў Фарны касцёл і ўсклаў кветкі ля помніка Элізы Ажэшкі. У размове з журналістамі ён назваў сябе тутэйшым, бо яго маці паходзіць з Ваўкавыску.
Відэа, апублікаванае ў лютым 2016 года, ужо паспела набраць больш за 300 тысяч праглядаў. Кліп стаў апошняй працай курдскага прадзюсара Шаран Алі Шарыфа, знятай летась у Гродне.
Вечарам 22 сакавіка на вуліцы Болдзіна, паблізу лазні, аўтамабіль збіў жанчыну, якая пераходзіла дарогу па пешаходным пераходзе разам са сваім сабакам. Жывёла загінула на месцы, жанчыну з рознымі пераломамі шпіталізавалі.
Рэшткі найстарэйшага дрэва з парку Жылібера, спілаваныя раніцай 22 сакавіка, вывезлі на тэрыторыю Зелянбуда. Зараз яго супрацоўнікі чакаюць далейшых загадаў. Ёсць верагоднасць, што з фрагменту ствала ўсё ж зробяць скульптуру, якую паставяць на месцы дрэва.
У аўторак, 22 сакавіка, з самай раніцы, супрацоўнікі Зелянбуда ўзяліся за спiльванне старога ясеня ў парку Жылібера. Са слоў рабочых, яны атрымалі такі загад зверху. Яны не ведалі, што з ясеня збіраюцца зрабіць помнік.
