Першай гучнай музычнай падзеяй у жыцці Гродна стаў сёлета рок-фэст “Три шурупа”, які адбыўся 22 студзеня ў Абласной філармоніі. Фестываль праходзіў на дзвюх пляцоўках адначасова і каб паспець усіх убачыць і паслухаць, моладзь была вымушана лётаць з другога паверха на трэці і наадварот.
Творчая выстава да 50-годдзя гродзенскай Абласной арганізацыі Беларускага саюза Архітэктараў адчыніла свае дзверы 22 студзеня. Наведвальнікі выставы могуць убачыць макеты і планшэты, на якіх красуюцца сучасныя і будучыя пабудовы Гародні.
У сувязі з павелічэннем колькасці пажараў і гібеллю людзей у вагні ад сёння на Гродзеншчыне абвешчаны месячнік пажарнай бяспекі.
Эстрадна-забаўляльная праграма пад назвай “Фабрыка мультызорак”, разлічаная на дзяцей ад чатырох да дванаццаці гадоў, разгорнецца ў гродзенскай філармоніі 28 студзеня.
Сёння ў Спартыўным арбітражным судзе ў Лазане распачынаюцца слуханні па справе беларускіх спартоўцаў Івана Ціхана і Вадзіма Дзевятоўскага.
Найбольшая колькасць аварый на Гродзеншчыне здараецца па аўторках, пятніцах і суботах.
За мінулыя суткі слупок тэрмометра апусціўся ў Гродна да -27, у Ваўкавыску да -29. Паводле беларускіх сіноптыкаў, сёлетні студзень стаў самым халодным за апошнія 20 год назіранняў.
Кольцы ад гродзенскіх арнітолагаў атрымалі 16 птушак.
Гарадзенскія баскетбалісты парадавалі сваіх заўзятараў дзвюма ўпэўненымі перамогамі над віцебскім “Лакаматывам”, а вось хакейны “Нёман” неспадзявана саступіў “металургам” з Латвіі.
Ахвота праславіцца за чужы кошт і лянота – інтэгральная частка нашай гідкай чалавечай натуры. Гэта яны адказваюць за мноства другасных, заезджаных ці проста скрадзеных твораў – кепскі ксеракс масавай культуры.
