У пары тыграў Тайгі і Шэрхана нарадзіліся маленькія тыграняты: хлопчык і дзяўчынка. Дзяўчынку супрацоўнікі заапарка назвалі Хельгай, а імя для хлопчыка традыцыйна выберуць наведвальнікі, паведамілі ў Гродзенскім заапарку.
Госцяй на курсах “Мова нанова” ў Гродне 16 мая стала Марыя Міцкевіч – унучка адразу двух класікаў беларускай літаратуры. Яна распавяла пра сваіх дзядоў, а гарадзенскія навучэнцы прадставілі ў адказ імправізаваныя спектаклі з ўрыўкаў твораў Якуба Коласа і Янкі Маўра. У “эксклюзіўнай” частцы сустрэчы Марыя Міцкевіч адказала на пытанні пра сямейны побыт пісьменнікаў і расказала некалькі смешных жыццёвых выпадкаў з іх удзелам.
Гарадзенскі харэограф Яўген Якуш прадставіў новае відэа, у якім яго шоў-група паўстала ў вобразах сярэднявечных ведзьмаў. Сам жа танцор апынуўся ведзьмаком. Усе вобразы, па словах аўтараў, былі створаны паводле апісанняў са старажытных крыніц.
Падарожнік з Гродна Сяргей Мароз 14 мая перайшоў мяжу Беларусі і Расіі ды працягвае рухацца на ўсход. Пасля таго, як ён апынуўся на тэрыторыі іншай дзяржавы, у гарадзенца ўзніклі цяжкасці з фінансаваннем. У будучыні гэта можа адбіцца на рэалізацыі яго праекта.
У самым цэнтры Гродна, на вуліцы Маркса, 38а, узяліся за рамонт стогадовага дома. Праўда, рэканструкцыя пакуль больш нашкодзіла і самому будынку, і яго жыхарам. Сцены пайшлі расколінамі, пачала сыпацца цэгла.
Першую ў Гродне варкаўт-пляцоўку адкрыюць у пачатку чэрвеня. Яна будзе знаходзіцца ва ўрочышчы Пышкі, побач з танц-пляцоўкай. Там ужо ўстаноўлены турнікi, засталася толькі заслаць спецыяльнае пакрыццё.
Кавалкі бетону, якія падаюць у Нёман, не бачныя, затое чутныя. Пра гэта карэспандэнту belsat.eu распавялі мясцовыя рыбакі.
Першы канцэрт пасля рэстаўрацыі інтэр’ераў лютэранскага храма пройдзе 3 чэрвеня, наступны – 4 чэрвеня. Яны адкрыюць чарговую серыю дабрачынны канцэртаў. А ўжо ў ліпені тут адбудзецца другі міжнародны фестываль арганнай і камернай музыкі.
Яшчэ чатыры гады таму Ягор не думаў, што будзе займацца рэстаўрацыяй фатаграфій. Гарадзенец нават не ведаў, што такі занятак існуе і тым больш не думаў, што на гэтым можна зарабляць. Яго незвычайнае хобі з’явілася зусім выпадкова.
На гэтым тыдні ў Гродне будзе пераменлівае надвор’е, воблачна з праясненнямі, пройдуць кароткачасовыя дажджы. Вецер умераны, днём парывісты. Тэмпература паветра ўначы складзе 5-8 градусаў цяпла, днём — 12-19 градусаў са знакам плюс.
