Некалькі беларускіх банкаў ужо паведамілі сваім кліентам пра тое, дзе 1 ліпеня яны змогуць зняць новыя грошы. Нагадаем, у першыя дні пасля дэнамінацыі банкноты без нулёў плануюць загрузіць у кожны трэці банкамат. Да 1 кастрычніка 2016 года на новыя грошы пяройдуць усе без выключэння банкаматы.
Сваім досведам з “Нашай Нівай” падзялілася Наталля Святкіна, намаганнямі якой з’явілася беларускамоўная група ў адным з гарадзенскіх садкоў.
“На мора не паеду, бо няма грошай”, “Лепшы адпачынак – гэта ў цешчы на дачы” – гарадзенцы расказалі “Твайму стылю” пра свае планы на лета.
З траўмамі галавы і пераломам нагі пацярпелы на праспекце Янкі Купалы пешаход быў шпіталізавалі, паведамляе ДАІ Гродна 22 чэрвеня. Пры наяўнасці ў зоне бачнасці двух рэгуляваных пешаходных пераходаў мужчына з бутэлькай віна ў руках перабягаў праезную частку па-за іх межамі.
Пра гэта паведаміў БЕЛТА начальнік упраўлення спорту і турызму Гродзенскага аблвыканкама Алег Андрэйчык. На мапу наносяцца ўсе веласцежкі і веламаршруты рэгіёну, а таксама аб’екты спадарожнай інфраструктуры – паркоўкі для ровараў, пункты пракату, спецыяльныя крамы, майстэрні, месцы грамадскага харчавання і найбольш цікавыя турыстычныя аб’екты.
У пяць гадзін раніцы 22 чэрвеня будаўнікі ўзяліся за аднаўленне шпіля на гарадзенскай кірсе. Рабочым спатрэбілася больш за тры гадзіны, каб выправіць яго і выраўняць галоўны крыж лютэранскага храма.
Берасцейскі гісторык фартыфікацыяў Вадзім Шорах прэзэнтаваў выдадзеную ў гарадзенскім выдавецтве “ЮрСаПрынт” кнігу “Эволюция укреплений Западной Беларуси”. Кніга прысвечаная каменнаму фартыфікацыйнаму будаўніцтву ХІХ-ХХ ст., парэшткі якога засталіся на тэрыторыі Гарадзенскай і Берасцейскай вобласцяў. У адказах на пытанні нашай рэдакцыі аўтар раскрыў, у чым заключаецца ўнікальнасць і важнасць для гісторыі архітэктуры Беларусі ўсіх гэтых расійскіх, нямецкіх і польскіх абарончых збудаванняў.
Першых буслянат, што нарадзіліся ў Гарадзенскім заапарку ад пары пацярпелых буслоў, акальцавалі 21 чэрвеня. Разам са звычайнымі металічнымі кольцамі птушак пазначылі сучаснымі пластыкавымі. Гэта дапаможа лягчэй адсочваць шляхі іх міграцыі. Арнітолаг Дзмітрый Вінчэўскі, акальцавашы буслянят, назваўся іх “хросным” і перадаў малых пад крылы бацькоў.
Роўна ў 4 гадзіны гарадзенцы разам з прадстаўнікамі ўкраінскага горада Нікапаля сабраліся на правым беразе ракі Нёман. Тут праходзіла штогадовая гарадская патрыятычная акцыя “Ніхто не забыты, нішто не забыта”, прысвечаная ушанаванню памяці людзей, што загінулі у першыя дні вайны Айчыннай вайны. На плынь Нёмана пусцілі 22 вянкі, што сімвалізавалі дату 22 чэрвеня 1941 года.
Персанальная выстава ізраільскага фотамастака Барыса Равіча адкрыецца 23 чэрвеня ў гарадзенскай сінагозе. Гарадзенцам і гасцям горада прадставіцца рэдкая магчымасць з дапамогай здымкаў прайсці па краіне Танаха.
