Трэці канцэрт з цыклу “Нядзеля ла палаца”, які прайшоў 24 ліпеня, быў прысвечаны гарадскому рамансу і шансону. Выступілі гарадзенскія рускамоўныя барды з аўтарскімі песнямі: Анатоль Кулакоўскі, Андрэй Татур, дуэт Вольгі Галаўні з Сяргеем Іллюшэнкам. Адзіная за ўвесь вечар беларускамоўная песня “Малюю свой горад” прагучала з вуснаў Вольгі Калмаковай.
Да існуючага цягніка Hańcza PKP Intercity, які ездзіць з Беластока ў Кракаў, могуць дачапіць бесперасадачныя вагоны з Гродна. Першы такі састаў можа рушыць ужо 4 верасня. Такім чынам Міністэрства інфраструктуры і будаўніцтва Польшчы хоча вярнуць чыгуначнае спалучэнне паміж Беластокам і Гродна. Зараз вядуцца перамовы з Беларускай Чыгункай, каб дасягнуць канкурэнтнай цаны білетаў, піша Rynek kolejowy.
Свята з нагоды закрыцця 35 тэатральнага сезона адбылося ў Гродзенскім тэатры лялек 24 ліпеня. Юныя тэатралы разам з бацькамі і артыстамі ўдзельнічалі ў конкурсах, бавіліся з лялькамі, гулялі ў настолкі ад крамы “Кубік” і частаваліся слодычамі ад кавярні “Шэкспір”. Каб за час канікулаў гледачы не забыліся пра тэатр, за актыўны ўдзел у конкурсах яны атрымлівалі запрашальныя білеты на адкрыццё новага сезона.
Гарадзенскі “Нёман” правёў апошні кантрольны матч перад стартам другога круга чэмпіянату. У Гарадзеі 23 ліпеня жоўта-зялёныя сустракаліся з аднайменнай камандай і саступілі ёй з лікам 1:0.
На Міжнародным аўтафестывалі SunDay-2016, што адбываўся ў Гродне 23 ліпеня, можна было пабачыць каля 200 самых розных аўтамабіляў. На фоне экзатычных мадэляў і машын усіх магчымых адценняў, міжволі ўзгадвалася сцвярджэнне Генры Форда: “Аўтамабіль можа быць любога колеру, пры ўмове, што ён чорны”.
Хакеісты “Нёмана” правялі свой першы матч пад кіраўніцтвам Сяргея Пушкова. У таварыскім матчы, які прайшоў у Пінску 23 ліпеня, чырвона-чорныя традыцыйна сустракаліся з балашыхінскім “Дынама”. З лікам 3:1 перамогу атрымала расійская каманда.
Міжнародны фестываль аматараў аўтамабіляў 23 ліпеня сабраў у Гродне бльш за 150 выбітных машын з Беларусі і блізкага замежжа. Удзельнікі спаборнічалі ў намінацыях рэтра, цюнінга, аэраграфіі, электрамабіляў, баявых машын ды іншых. Мы склалі каляровы “рэйтынг” аўтамабіляў сёлетняга фэста паводле паслядоўнасці колераў у вясёлцы. Чырвоны, аранжавы, жоўты, зялёны, блакітны, сіні і фіялетавы – любы колер можа пасаваць сучаснаму аўто, даводзіць агляд сёлетняга SunDay.
Начны забег па перасечанай мясцовасці зладзілі гарадзенскія спартсмены на Каробчыцкім “Алімпе”. Удзел у незвычайных спаборніцтвах, што пачаліся 23, а скончыліся 24 ліпеня, узялі 111 бегуноў. Каб цемра не стала перашкодай для спартсменаў, схілы гор падсвечваліся ліхтарамі. Празрыстасць судзейства забяспечвала сістэма электроннага хранаметража.
Найбуйнейшы у Беларусі аўтамабільны фестываль праходзіць 23 ліпеня на тэрыторыі аэрадрома “Караліно” пад Гродна. Гэтым разам тэрыторыя фестывалю стала яшчэ большай, прыехала рэкордная колькасць цікавых аўто з Беларусі і суседніх краін, а хэдлайнер будзе сапраўды легендарны – расійскі рок-гурт “Чиж и Ко”.
Маленькага спаніеля Каця Шобат атрымала ў падарунак ад сябра. Праз пару дзён стала зразумела – шчанюк нічога не чуе. У поўнай цішыні сабачай глухаты павісла пытанне – як быць далей? Адказ на яго мог даць толькі голас сэрца.
