Гарадзенскі фатограф Іван Цыркуновіч, які прафесійна займаецца стварэннем 360-градусных панарам ды з’яўляецца сертыфікаваным панарамным фатографам Google Street View, стварыў панараму прыватнага музея Януша Паруліса. Цяпер кожны можа знайсці яе на Google Maps або паглядзець ніжэй. А потым зайсці ў музей у рэальным жыцці, каб яго падтрымаць.
Ноччу 20 ліпеня загарэўся Lexus GS-300 2008 г.в., запаркаваны каля офіснага будынку па вул. 17 Верасня, 49. Паведамленне пра пажар паступіла выратавальнікам у 00.31. Ужо праз пяць хвілін пажарныя былі на месцы і выратавалі аўто ад поўнага знішчэння, паведамілі ў прэс-службе МНС.
Непрыемная сітуацыя адбылася на вуліцы Ажэшкі ў Гродне. У двары аднаго са старых дамоў супрацоўнікі ЖЭС №1 праводзілі планавую спілоўка дрэў, якія пацярпелі ад урагану. Адно спілаванае дрэва яны кінулі на градкi мясцовай пенсіянеркі і сышлі. Засмучаная баба Зiна ледзь не плакала, калі ўбачыла, ува што ператварылі яе старанні.
Традыцыйна напярэдадні новага сезона ХК “Нёман” правядзе сустрэчу са сваімі заўзятарамі. 26 ліпеня ў 19.00 у зале прэс-канферэнцый Лядовага палаца спорту кожны заўзятар зможа задаць пытанне як кіраўніцтву, так і гульцам каманды.
Віктар проста праходзіў міма аўтобуса, дзе стрыглі людзей, і нікога не чапаў. Але яго зачапіў крык з натоўпу: “Гэй ты, ідзі сюды, мы прыбярэм твае доўгія валасы!” У выніку хлопец стаў зоркай не толькі горада, але і ўсёй Беларусі. Яго фрызура завочна стала лепшай у праекце Dandy Bus Tour.
Цырульня на колах Dandy Bus Tour, якая падарожнічае па ўсёй Беларусі, прыехала ў Гродна 19 ліпеня. Маладыя, але ўжо вопытныя майстры робяць стрыжкі абсалютна бясплатна кожнаму, хто запішацца. Забаўляць гарадзенцаў прыехаў таксама папулярны вядучы Андрэй Бонд.
Другі дзень запар незвычайную акцыю на плошчы Савецкай ладзяць гарадзенскія дзеці. Яны проста падыходзяць да мінакоў і абдымаюцца.
У кінатэатры “Чырвоная зорка” 19 ліпеня адкрылі Алею зорак сусветных знакамітасцяў. Усяго зорак дзесяць: дзевяць з імёнамі людзей, якія не толькі зрабілi вялікі ўклад у развіццё мастацтва, але яшчэ і сутыкнуліся з анкалагічным захворваннем ды здолелі перамагчы хваробу. Яшчэ адна зорка засталася пустой – для будучых знакамітасцяў.
Тралейбус падбіў пяць легкавых аўтамабіляў, прыпаркаваных уздоўж правай абочыны па вуліцы Гаспадарчай, каля “Малочнага міру” і БЦ “Марро”. Здарэнне адбылося 19 ліпеня ў 9.45, піша autogrodno.by.
Хутка апрануўшыся, яны выскокваюць з дому і нясуцца кудысьці па вуліцы, не адрываючы вачэй ад смартфона. Здабыча чакае, але важна паспець злавіць яе першым. Гэта ўсё аб гульцах у Pokemon Go. Гульня, якая выкарыстоўвае дапоўненую рэальнасць, за лічаныя дні стала папулярнай ва ўсім свеце, у тым ліку і ў Гродне.
