У кінатэатры “Кастрычнік” 4 жніўня прайшоў прэм’ерны паказ фільма “Атрад самагубцаў” у новым для Гродна фармаце 3D-гуку Dolby Atmos. Адчуць моц новай сістэмы прыйшоў і старшыня аблвыканкама Уладзімір Краўцоў. Але да канца фiльма ён не дасядзеў.
Гарадзенскі “Нёман” пацярпеў першае паражэнне ў сезоне. Здарылася гэта ў серыі булітаў. У трэцім матчы Кубка Салея, які праходзіў у Мінску, падапечныя Сяргея Пушкова прайгралі “Юнацтву”.
Бусел на сметніку – мір на зямлі. Магчыма, у будучыні менавіта так будзе гучаць фальклор новых пакаленняў беларусаў. І дзяцей белакрылыя птушкі будуць прыносіць таксама са сметнікаў, а не з капусты. Першыя званочкі такой будучыні гучаць ужо сёння – буслы ўслед за грамадствам спажывання змяняюць уласныя паводзіны: шукаюць больш лёгкае харчаванне на сметніках ды змяняюць шляхі міграцыі. Навошта ляцець у Афрыку, калі можна выжыць на бліжэйшай звалцы?
Гарадзенская выставачная зала быццам перанеслася на мільёны гадоў у мінулае. У створаных там джунглях можна пагрузіцца ў эпоху велізарных яшчараў, пабачыць як страшнага тыраназаўра Рэкса, гэтак і малых дыназаўрыкаў, якія толькі вылупіліся з яек.
“Смоўкі айс гэта не той макіяж, з якім можна схадзіць за хлебушкам, – звяртаецца Дар’я Іодэль да дзяўчат, што прышлі на занятак у яе студыю. – Але калі ўжо наважыліся, то варта ісці да канца. У сэнсе, хаця б да дыскатэкі”. Калі без жартаў, то Дар’я і сапраўды не збочвае са шляху да мэтаў. Сёлета яна стала пераможцай Сусветнага бодзі-арт фестывалю ў Аўстрыі. У Гродне дзяўчына працуе візажысткай: стварае прыгажосць “тут і зараз” ды вучыць пачынаючых калег і проста ахвотных рабіць макіяж.
Галоўны трэнер “Немана” працягвае працаваць над стварэннем баяздольнай каманды. На гэты раз Ігар Кавалевіч развітаўся з маладым нападнікам Кірылам Вяргейчыкам і запрасіў іншага нападніка – серба Нікола Кавачавiча.
Абласная бібліятэкі імя Карскага запрашае гарадзенцаў на адукацыйна-забаўляльныя праграмы “Бібліятэка пад адкрытым небам” і “Пікнік ў яблыневым садзе”, якія пройдуць да канца лета.
У ліпені гарадзенская ДАІ выклала на грамадскае абмеркаванне ідэю абмежаваць рух веласіпедыстаў па Старым мосце. Прапанавалася, што адзін бок ходніка будзе выключна для пешаходаў, а ровары змогуць ехаць толькі па супрацьлеглым. Але такая прапанова вельмі не спадабалася жыхарам горада.
Некалькі дзён таму будаўнікі прыбралі агароджу вакол будоўлі на вуглу вуліц Карла Маркса і Моладзёжнай. Там, дзе яшчэ паўгода таму стаяў толькі фрагмент сцяны, з’явіўся новы будынак.
БЧ працуе над скарачэннем часу ў шляху цягнікоў Мінск-Гродна, паведаміў 3 жніўня начальнік Беларускай чыгункі Уладзімір Марозаў, перадае БЕЛТА.
