Вясна ў горадзе: вазёры талай вады і смецце з-пад снегу

| Без катэгорыі

У Гродна прыйшла вясна, сышоў снег і раскрыўся твар горада. У цэнтральным парку імя Жылібера побач з Універсітэтам імя Янкі Купалы і Упраўленнем МУС з’явіліся горы пакінутага смецця. А на акраінах горада заўважныя лакальныя патопы.


Піўныя бутэлькі, недапалкі і папяровыя кубачкі з блізкай кавярні сёння можа ўбачыць любы турыст і жыхар у цэнтры горада. Верагодна, што так паступаюць начныя наведвальнікі парку або клубаў, размешчаных непадалёк.

Гэта можна назваць “гняздом кава-аўтамата” 🙂

А вось на рагу Азёрскай шашы і вуліцы Карскага вось ужо які год запар утвараецца часовае азярцо. Прычына – тапленне снягоў. Вазярцо дастаткова вялікае, настолькі, што нават пара качак упадабала гэты вадаём.