Гродзенскі студэнт стварыў інтэрнэт-партал для тых, хто кідае паліць
Інфармацыйна-інтэрактыўны партал павінны запрацаваць да канца траўня.
Яго наведнікі змогуць паспрабаваць кінуць паліць у рэжыме анлайн, зарэгістраваўшыся на інтэрактыўным форуме.
Кожны ахвотны зможа атрымаць сучасную навукова-папулярную інфармацыю пра асаблівасці нікатынавай залежнасці, даведацца, дзе можна атрымаць якасную дапамогу ў пазбаўленні ад шкоднай звычкі.
Інтрэнэт-партал – толькі частка супрацьтабачнага навукова-сацыяльнага праекта “Жыццё без цыгарэт”.
Яго гарадзенскія аўтары збіраюцца займацца прафілактыкай палення.
На першым этапе – разбураць стэрэятыпы, навязаныя рэкламай і фільмамі.
Другасная прафілактыка будзе накіраваная на тых, хто ўжо паліць і не можа пазбавіцца ад гэтай залежнасці.
Для іх распрацаваны спецыяльны трэнінг, які дапаможа кінуць паліць людзям любога ўзросту пры ўмовах наяўнасці жадання гэта зрабіць і дакладнага выканання ўсіх рэкамендацый.
Паводле http://grodno.gov.by
Здымак http://freejojo.com