Каля 30 маладзёнаў атрымалі нефармальную журналісцкую адукацыю
Найлепшымі навучэнцамі ШМЖ-16, сталага праекта грамадскага аб’яднання “Цэнтр ”Трэці сектар”, сталі Марына Харэвіч, Алена Вольная і Ала Пігалкіна. Найбольш папулярнымі іх артыкуламі можна лічыць:
“Дамы эпохі” – новае вар’яцтва гарадзенцаў
Ці падстаўна штрафуюць за багаж больш за 5 кіло?
“Герой хутчэй не Каліноўскі, а граф Мураўёў”
Адказваючы на выклік, якім з’яўляецца развіццё мультымедыйных фарматаў, Школа ў гэтым годзе атрымала свой працяг у праграме MediaStudio. Навучэнцам былі прапанаваны тры курсы:
– “Школа фотарэпарцёра”
– “Здымкі і мантаж відэа”
– “Візуалізацыя дадзенных”
Вядучымі курсаў былі: Аляксей Шота, Вітаўт Руднік, Аляксандр Саенка, Сяргей Печарыца і Юлія Каляда.
З працамі навучэнцаў можна пазнаёміцца на блогу MediaStudio.
Сертыфікаты аб сканчэнні Школы маладога журналіста атрымалі 10 навучэнцаў, дыпломы MediaStudio – 23.
Апошнім выпрабаваннем для навучэнцаў стала пераадоленне трассы ў Джунглі-Парку. Мужна, як і падабае маладым журналістам, хлопцы і дзяўчаты караскаліся па вяроўках, пралазілі ў кругі, праходзілі па няўстойлівых дошчачках.
