За 10 дзён на Гарадзеншчыне затрымалі 3 буйныя партыі нелегальнага тавару
Партыю фірмовых шкарпэтак хавалі ад мытнага кантролю ў аўтамабілі Iveko, які ехаў з Бельгіі ў Расію праз “Каменны Лог”.
У грузавым адсеку аўтафуры, згодна з міжнароднымі тавара-транспартнымі дакументамі, знаходзіліся адзенне і абутак фірмы Nike.
Кантрабандныя шкарпэткі на суму 647 мільёнаў рублёў канфіскаваныя.
На дарозе Мінск-Гродна каля вёскі Лучкі Лідскага раёна супрацоўнікі АБЭЗ разам з ДАІ і вайскоўцамі затрымалі “DAF”, якім кіраваў жыхар Воранава.
У прычэпе фуры знайшліся 2600 бутэлек гарэлкі “Белая берёза” без суправаджальных дакументаў.
Па ўсім відаць, алкаголь выраблены ў кустарных умовах. Гарэлка накіраваная на экспертызу.
У любым выпадку, нелегальная падакцызная прадукцыя будзе канфіскаваная ў даход дзяржавы.
Папярэдні кошт – 156 мільёнаў беларускіх рублёў.
Але найбольш пашанцавала гарадзенскім мытнікам, якія на беларуска-польскай мяжы ў “Брузгах” затрымалі кантрабандныя эксклюзіўныя жырандолі і мармуровую мазаіку агульным коштам на 1 мільярд рублёў.
Здымак http://nv-online.info