Гарадзенскі ўніверсітэт распрацаваў лагатып для Ліды

Як піша bizlida.by, праз некалькі дзён распачнецца публічнае галасаванне, а лагатып-пераможца стане сімвалам горада.

 

Да ўсіх варыянтаў лагатыпа ёсць даволі вялікія каментары ад аўтараў, бо ў некаторых выпадках ідэю так проста і не зразумееш.

 

“Асноўныя камбінацыі колераў звязаныя з трыма найбольш значнымі для еўрапейскай геральдыкі колерамі – чырвоным, сінім і зялёным. Чырвоны і зялёны колеры адсылаюць да колеравай гамы беларускай дзяржаўнай сімволікі. Асабліва ўдала гэта глядзіцца на белым фоне. Такім чынам колеравае вырашэнне брэнда Ліды будзе сугучнабольшасці нацыянальным сімвалаў, брэндаў і лагатыпаў.

 

Чырвоны і блакітны колеры карэлююць з гербам Ліды. Гэта найбольш распаўсюджаныя ў еўрапейскай геральдыцы колеры, якія ствараюць “візуальны еўрапейскі кантэкст” лідскага лагатыпа”.

 

Прапануецца два варыянты візуалізацы: лацінскім (Lida) і кірылічным (Лида) шрыфтамі, для еўрапейскага і нацынальнага ды СНД-шнага рынкаў адпаведна.

 

Чаму распрацоўшчыкі адмовіліся ад выкарыстання вобразаў Лідскага замку і жаночага імя Ліда, а таксама поўныя апісанні лагатыпаў чытайце тут. Ніжэй прадстаўляем самі візуалізацыі і скарочаныя каментары да іх.

 

align=”middle” alt=”Логотип Лиды, лагатып Ліды, Ліда” > 

Візуалізацыя ў духу мадэрністычных плыняў пачатку ХХ ст – кубізму, футурызму і супрэматызму. 

 

Кубічныя формы нагадваюць сучасныя гарадскія шматпавярховыя дамы, яскравыя колеры асацыююцца з маладосцю і сучаснасцю старадаўняга горада.

 

Самы “цёплы і хатні” варыянт. Контыру дамоў з утульнымі вокнамі.

 

>

Яскрава выказаны дынамізм і падкрэслены пазітывізм, імкненне да крэатыўнасці і стылёвасці.

 

Варыянт пабудаваны на трайной асацыяцыі. За кошт знікнення шрыфту ў каляровай арцы ён выклікае адчуванне гасціннасці. З другога боку, візуалізуецца прамысловы патэнцыял і зручнае месцазнаходжанне. 

 

Пабудаваны на “лаканічным дынамізме” Ліды, падкрэслівае дынамізм і энергію, мэтанакіраванасць і перспектыўнасць Ліды.

 

Сімволіка асацыюецца з творчымі пошукамі і класічнымі еўрапейскімі традыцыямі.

 

Лагатып заклікае да сумесных дзеянняў на карысць роднага горада. Па меркаванні фокус-групы, асацыюецца з СМІ і грамадска-палітычным жыццём горада.

 

Найбольш мяккі і цёплы варыянт

 

Варыянт звязаны з 700-годдзем Ліды, што будзе святкавацца ў 2023 годзе.

 

Як бачна па каментарах на bizlida.by, самі лідчукі прапанаванымі варыянтамі не вельмі задаволеныя. А што думаеце пра такі брэндынг вы? Выказвайцеся ў каментарах!