Уладзімір Весялінаў: “Пакуль ёсць шанец, мы будзем змагацца”

|

Валодзя, у першую чаргу хацелася б павіншаваць цябе з голам і з важнай перамогай каманды. Раскажы нашым чытачам і заўзятарам, як атрымалася забіць гол у вароты Шахцёра? Бо гэта мела быць падача на кагосці? На каго менавіта?


Дзякуй за віншаванні. Шмат трэніровак і практыкі даюць вынік, і гэта радуе. Што тычыцца непасрэдна гола, то так атрымалася, што пасля майго ўдару ніхто не крануў мяча. У выніку атрымалі гол.


У першым тайме цябе замянілі. C чым звязана была твая замена?

 

Перад гульнёй у мяне былі праблемы з ахілавым сухажыллем. Я адпачываў на працягу некалькіх дзён. Але ў гульні траўма ізноў пачала адчувацца, таму я не змог працягнуць гульню.


Як зараз сябе адчуваеш? Дапаможаш камандзе ў нядзельнай гульні з чэмпіёнамі?

 

Я ўзяў паўзу на некалькі дзён, у сераду іду атрымліваць МРТ і мы будзем ведаць больш аб траўме. Я спадзяюся, што нічога сур’ёзнага, і лекары дамовяцца аб тым, як і што рабіць мне далей. Думаю, што буду ў стане згуляць у нядзелю.


Нёман у гэтым сезоне паказаў, што ён можа біць любога суперніка! Варта нам ўспомніць перамогу над БАТЭ, Дынама, Гомелем, цяпер і Шахцёрам. На гэтых выходных у нас зноў сустрэча з чэмпіёнамі. І яны будуць помсціць за пройгрыш у Гродне. Ці зможа Нёман выстаяць перад БАТЭ?

 

 

Так, мы паказалі, што мы можам мець справу з усімі камандамі ў Беларусі. Самае галоўнае – быць упэўненым у сабе і не змяншаць абароты. Я спадзяюся, што мы праз тыдзень яшчэ раз дамо нагоду для радасці нашым заўзятарам.


Як мы ведаем, на матчы з БАТЭ ў Гродна збіраецца рэкордная колькасць гледачоў. Чакаеце аншлагу?

 

Я спадзяюся, што будзе шмат балельшчыкаў і мы зробім так, каб яны атрымлівалі асалоду ад добрага футбола. Я запрашаю ўсіх аматараў футбола ў горадзе на матч з БАТЭ. Падтрымка трыбун шмат значыць для нас!


Якая зараз стаіць задача перад Нёманам?

 

У кожнай гульні дабівацца максімальнага выніку. Выкладвацца па максімуму, тады і вынік прыйдзе.


Ці здолее Нёман зачапіцца за тройку?

 

Пакуль ёсць шанец – мы будзем змагацца. Галоўнае – перамагаць у кожнай гульні, і я думаю, што гэтага будзе дастаткова. Мы хочам дамагчыся поспеху для нашага горада!