Фестываль фокуснікаў і майстар-класы па танцах і мылаварэнню: куды пайсці ў Гродне на ўікенд 19-21 лютага
Два дні нараджэнні ў бары “Cuba”
Разам з дыджэямі з «Beautiful Vision» у бары адзначаць два дні нараджэння – “Кубы” і “галоўнага кубінца” бармэна Андрэя Антановіча. “Кубе”, дарэчы, спаўняецца тры гады. Добрая нагода ўзгадаць, як усё пачыналася ці ўліцца ў кампанію “кубінцаў”.
Калі: 19 студзеня, 18.00
Дзе: бар “Cuba”, вул. Калючынская, 12
За колькі: за так
Спектакль “Незаконное вторжение”
Вячэрні Парыж. Кватэра ў рэспектабельным раёне. Дзве забяспечаныя дамы шаноўнага ўзросту вяртаюцца дадому з курорта. Адкрываюць дзверы і трапляюць на вечарыну: сімпатычны араб, сэксуальная полька і спагадны партугалец.
Калі: 19 лютага, 19.00
Дзе: Драмтэатр, вул. Маставая, 35
За колькі: 65 -70 тыс.
Піяніст Аляксей Пятроў і скрыпачка Зоя Неўгадоўска
Лаўрэат міжнародных конкурсаў піяніст Аляксей Пятроў выступіць у дуэце з вядомай скрыпачкай, вядучым прафесарам Вышэйшай школы музыкі Берліна – Зояй Неўгодоўскай. У праграме прагучаць шэдэўры камернай музыкі.
Калі: 19 лютага, 19.00
Дзе: Лютэранская кірха, вул. Акадэмічная, 7А
За колькі: 100 тыс.
Начная гульнятэка
Больш за 60 настольных гульняў і сяброўская кампанія іх аматараў чакаюць у клубе “Партал”. Дарэчы, там можна запісацца на турнір па гульні Hearthstone на 13 сакавіка.
Калі: 19 лютага, 20.00-5.00
Дзе: клуб “Партал”, вул. Вялікая Траецкая, 31, 2 паверх
За колькі: 60 тыс.
Хіп-хоп у Nesterka Bar
Музыку зайграюць Manatee (Hip-hop / old school / instrumental) і Fed (Hip-hop / jungle). У бары цяпер разліваюць крафтавае піва – портэр і эль. І кормяць адзінымі ў Гродна фалафелем і бульбургерамі.
Калі: 19 лютага, 20.30.
Дзе: Nesterka Bar, вул. Савецкая, 35
За колькі: за так
Magic Club у “Гудини”
Magic Club – гэта выступленні ілюзіяністаў, вакалісткі і сюрпрызы ад бармэнаў.
Калі: 19 лютага, 21.00
Дзе: гастрабар “Гудини”, вул. Леніна, 13
За колькі: за так
Майстар-класы па сучасным вулічным танцам ад студыі Art Motion
Калі: 20 лютага, 17.00
Дзе: OldCity
За колькі: уваход вольны
Спектакль “Боинг–Боинг”
“Боинг–Боинг”- камедыя пра раман маладога парыжскага лавеласа з трыма. Выбранніцы лётаюць на розных авіялініях, і гэта вымушае вынаходлівага жаніха падладжваць сваё жыццё пад расклад прылёту-адлёту ўсіх “нявест”.
Калі: 20 лютага, 19.00
Дзе: Гродзенскі Драмтэатр, вул. Маставая, 35
За колькі: 65 -70 тыс.
Фестываль фокуснікаў “Magic Show”
На III Міжнародным фестывалі фокуснікаў выступяць фокуснікі з Італіі, Польшы, Літвы, Беларусі, Расіі і Украіны.
Калі: 21 лютага, 16.00 і 19.00
Дзе: Гродзенскі Драмтэатр, вул. Маставая, 35
За колькі: 150 тыс.
Майстар-клас па прыгатаванню мыла
Гэтым разам мыла вараць да Дня абаронца Айчыны. Мыла будзе тэматычным і парадуе мужчын любога ўзросту.
Калі: 21 лютага, 19.00
Дзе: клуб “Партал”, вул. Вялікая Траецкая, 31, 2 паверх
За колькі: 70 тыс.
Люблінскі тэатр танца са спектаклем “Гісторыі, якія мы ніколі не расказвалі”
Чатыры чалавекі распавядаюць свае гісторыі: з дапамогай слоў, вобразаў, цела і руху, у цішыні, не думаючы пра наступствы. Люблінскі тэатр танца – адзін з заснавальнікаў сучаснага танца ў Польшчы. Тэатр шмат выступае і гастралюе, праводзіць розныя акцыі і адукацыйныя класы. З’яўляецца арганізатарам штогадовых “Міжнародных сустрэч тэатраў танца” ў Любліне, супрацоўнічае з многімі міжнароднымі арганізацыямі ў галіне сучаснага танца і тэатра.
Калі: 22 лютага
Дзе: Гродзенскі Драмтэатр, вул. Маставая, 35
За колькі: 80 тыс.
