Раварысты Гарадзеншчыны збяруцца ля Нямнова
Аматары актыўнага адпачынку з усёй Гарадзеншчыны штогод збіраюцца ля вёскі Нямнова дзеля папулярызацыі веласіпеднага турызму і падрыхтоўкі да сезона паходаў.
Мэта спаборніцтваў – вызначыць наймацнейшых спартсменаў і каманды вобласці і даць магчымасць раварыстам адпрацаваць тэхнічныя навыкі, абмяняцца досведам, бліжэй пазнаёміцца.
Паўдзельнічаць у чэмпіянаце могуць каманды гарадоў і раёнаў Гарадзеншчыны, турклубаў і секцый прадпрыемстваў і навучальных установаў.
У складзе каманды мусіць быць 7 чалавек, сярод якіх хаця б адна жанчына.
У праграме – камандныя спаборніцтвы на розныя дыстанцыі, спаборніцтвы на доўгай асабістай дыстанцыі, трыал.
Заяўкі на ўдзел рэгіструюцца ў офісе Гарадзенскага аддзялення Рэспубліканскага турыстычна-спартыўнага саюза па адрасе: вул.Ажэшкі 38, тэл.74-29-43.
Заяўкі прымаюцца да 12 красавіка.