Пілігрымка да месца масавых растрэлаў
У 1942-1943 гг. непадалёк ад Навумавічаў было забіта каля 200 чалавек.
Сярод іх была Мар’яна Бярнацкая, простая жанчына з мястэчка Ліпск, якое знаходзіцца зараз на польскім баку мяжы.
Пасля таго, як партызаны забілі ў гэтым мястэчку нямецкага жаўнера, фашысты ўзялі ў закладнікі мірных жыхароў, сярод якіх апынуліся сын і цяжарная нявестка Бярнацкай.
Жанчына ўпрасіла немцаў, каб тыя пакінулі нявестку, а замест той забралі на растрэл яе самую.
>
Памятны крыж на месцы масавых растрэлаў
За гэты подзвіг Святы Айцец Ян Павел ІІ далучыў у 1999 г. Мар’яну Бярнацкую да ліку блаславёных сярод 108 новамучанікаў з часоў Другой сусветнай вайны.
Памяць блаславёнай Мар’яны для гарадзенскіх грэка-каталікоў – гэта асаблівы дзень малітоўнага ўспаміну ўсіх мучанікаў-уніятаў.
Частка пілігрымаў дабіралася на аўто, а 10 пілігрымаў дайшлі з Гродна пешшу, любуючыся чароўнымі краявідамі Гарадзеншчыны.
Фота Андрэя Вашкевіча