«Grodno REDS» – чэмпіён турніру сярод заўзятараў замежных клубаў
Турнір праходзіў у 5 тураў. Як і на полі, так і за яго межамі панавала жорсткая барацьба. На полі гульцы паказвалі сваё майстэрства, а за межамі поля праходзіла барацьба за лепшую падтрымку.
Мноства сцягоў, шалікаў, песень і крычалак ўпрыгожвалі турнір.
Чэмпіёнам турніру стала каманда – «Grodno REDS» (заўзятары «Манчэстэр Юнайтэд»).
За 2 тыдні, які доўжыўся турнір, мы назіралі прыгожы, добры футбол, які падабаўся не толькі самім удзельнікам, але і гледачам, якіх прысутнічала не мала.
Яшчэ ў самым пачатку турніру хадзілі чуткі пра перамогу «чырвоных д’яблаў», так як яны лічыцца адным з самых арганізаваных фан-рухаў горада. Было прыемна заўважыць на турніры легіянераў з Афрыкі (мясцовыя студэнты медыцынскага ўніверсітэта прадстаўлялі фан-рух «Чэлсі»).
Асноўнымі лозунгамі турніру былі: «Як падтрымліваеш, так і гуляеш» і «Футбол без расiзму».
Пераможцам былі ўручаныя Кубак і дыплом.
Мінакі спыняліся і затрымліваліся надоўга
Радасць перамогі
Сваім меркаваннем аб мерапрыемстве падзяліўся з намі адзін з лепшых гульцоў турніру Ілля Асадчы («Grodno REDS»):
– Нягледзячы на тое, што турнір праводзіўся ў Гродна ўпершыню, ўдзельнікі паспелі добра пасябраваць і атрымалі процьму станоўчых эмоцый.
Яшчэ б хацелася падзякаваць арганізатараў: усё прайшло на вышэйшым узроўні. Я думаю, што ў будучыні гэты турнір будзе развівацца толькі ў лепшы бок.
Фота аўтара