Гродзенскія выратавальнікі знайшлі ў лесе заблукалых бабуль

|

88-гадовая бабуля разам з 76-гадовай сяброўкай заблукалі, збіраючы журавіны.


Ягады збіралі каля вёскі Чарнуха.

Заўважыўшы, што страцілі арыентацыю, бабулі спачатку паспрабавалі выбрацца самі, а ў 19 гадзін, калі стала зусім цёмна, патэлефанавалі ў дзяжурную частку.

 

На пошукі выправіліся міліцыянеры, супрацоўнікі МНС, памежнікі і работнікі Гожскага лясніцтва.

 

Жанчын шукалі з дапамогай гукаўзмацняльнікаў, асвятляльных ракетніц і ўвесь час падтрымлівалі з імі сувязь па мабільным тэлефоне.

Знайшлі заблукалых толькі ў 4 гадзіны раніцы і ў 20 кіламетрах ад таго месца, дзе яны збіралі ягады.

 

Гэты шлях старыя жанчыны прайшлі за ноч па цяжкадаступных балоцістых мясцінах.

Сабраныя журавіны бабулі ўвесь час неслі з сабой.

 

Паводле http://perspektiva-info.by

Здымак http://blog.leonid-trudov.ru