У Гродна ідуць хрышчэнскія маразы
У бліжэйшыя суткі надвор’е будзе вызначацца ўплывам атмасферных франтоў, якія ідуць з Заходняй Еўропы.
Сёння ўначы пройдзе невялікі снег, тэмпература паветра -7…-9, па вобласці да -11.
15 студзеня днём сіноптыкі прагназуюць часамі снег, слабы туман і галаледзіцу на асобных участках дарог.
Вецер паўднёва-усходні, паўднёвы 6-11 м/с.
Тэмпература паветра -1… -3 у Гродне і ад 0 да -5 па Гродзенскай вобласці.
16 студзеня будзе воблачна з праясненнямі, уначы месцамі, днём на большай частцы тэрыторыі вобласці кароткачасовы снег, мокры снег, месцамі туман, слабы галалёд.
Вецер пераменных кірункаў 4-9 м/с.
Тэмпература паветра -2…-7 уначы, пры праясненнях да -10, 0…-5 днём.
17 студзеня на большай частцы тэрыторыі чакаецца снег, слабая завіруха, на дарогах месцамі галалёдзіца.
Вецер паўночнай чвэрці 5-10 м/с, парывы да 14 м/с.
Уначы і днём тэмпература паветра аднолькавая: -2…-7.
Паводле папярэдніх прагнозаў “Гроднааблгідрамету”, 18 студзеня снегапады працягнуцца, пахаладае да -7…-12 (па поўначы вобласці -13…-15) днём, уначы пры праясненнях да -17.
19-20 студзеня месцамі кароткачасовы снег, на дарогах галаледзіца, тэмпература паветра цягам сутак -12…-17, уначы пры праясненнях да -23.
Здымак http://thewomans.ru