На беларуска-польскай мяжы з’явяцца суцэльныя зялёныя калідоры
У якасці эксперыменту сістэму ўжо летам апрабуюць у пункце пропуску “Кузніца-Брузгі”.
Скарыстацца скразным калідорам змогуць грамадзяне, у якіх адсутнічаюць тавары для дэкларавання як на выездзе з адной краіны, так і на ўездзе ў іншую. Гэта дазволіць паскорыць працэдуру.
Пытанне абмяркоўвалася на сустрэчы беларускіх і польскіх супрацоўнікаў мытні ў “Брузгах” і “Кузніцы” 8 лютага.
Мытнікі Польшчы і Беларусі абмеркавалі таксама працу сістэмы папаярэдняга апавяшчэння пра ўзнікненне надзвычайных сітуацый на беларуска-польскай мяжы.
Сярод такіх сітуацый – утварэнне значных чэргаў перад пунктам пропуску.
У сувязі з штогадовым павелічэннем колькасці ахвотных выехаць за мяжу, да сістэмы апавяшчэння палічылі неабходным падключыць памежныя службы.
Паводле http://subs.belta.by