Дзесяць гадоў таму, 18 красавіка 2006 года, некалькі мінскіх і гродзенскіх хлопцаў і дзяўчат спынілі разбурэнне падмуркаў палаца Радзівілаў на Савецкай плошчы, прымусіўшы праекціроўшчыкаў перарабіць выхад з падземнага перахода, які будаваўся на плошчы з лета 2005 г. Узгадваем, як тое было.
У этнакраме “Цудоўня” сябры “Беларускага архіву вуснай гісторыі” зладзілі двухдзённы трэнінг для гарадзенцаў. Наведвальнікі даведаліся навошта збіраць вусныя ўспаміны і як гэта робіцца. “Твой стыль” прадстаўляе асноўныя парады па запісу вусных успамінаў.
Напэўна, гісторыю Гародні ў бліжэйшы час можна будзе калі не перапісаць, то дапоўніць. Такое меркаванне 31 сакавіка выказаў ў сваім блогу гарадзенскі краязнаўца Мечыслаў Супрон. Нагодаю для спадзеваў стала знаходка рэшткаў драўлянага паселішча ў аколіцах Зарыцы.
Як выглядала панарама Гродна ў сярэдзіне ХІХ стагоддзя? Прапануем пастаяць на высокім левым беразе Нёмана і паразглядаць гістарычны цэнтр у далёкім 1862 годзе праз наш інтэрактыўны бінокль.
Велізарны будынак над Нёманам, недалёка ад Старога мосту, прыцягвае ўвагу тых, хто ўзбіраецца на пагорак каля Францішканскага касцёла і аглядае гістарычны цэнтр горада. Цяпер будынак прыцягвае ўвагу яшчэ больш, бо на ім з’явілася рэклама фірмы “Керамін”. Хоць архітэктурныя чыноўнікі і паабяцалі разабрацца, аднак, гледзячы па ўсім, правісіць яна яшчэ доўга.
Знакі на плінфе з Каложскай царквы ХІІ ст., у нейкім сэнсе, тэма для Гродна ўжо дастаткова раскручаная. Іх фатаграфавалі, замалёўвалі, па іх пісалі артыкулы, выступалі на канферэнцыях… Тэорыяў было таксама безліч: ад знакаў мясцовых майстроў да скандынаўскіх або цюркскіх рунаў.
Упершыню перавыдадзеная асобнай кніжкай праца была прэзентаваная 15 сакавіка ў гарадзенскай краме “Цудоўня”.
У Гродне ёсць досыць вялікая колькасць згубленых, але цікавых збудаванняў, для аднаўлення якіх больш значным, чым наяўнасць велізарных фінансавых сродкаў, з’яўляецца жаданне іх аднавіць.
Былі гады, калі ў Гродне на вуліцы Лідскай, якая мела тады назву Лідскай шашы, выпускаліся самазвалы Мінскага аўтамабыльнага завода. Сапраўдныя МАЗы, металічныя, з кузавамі, якія адкідваліся назад. Толькі гэтыя грузавікі былі… цацачныя, зусім маленькія. Выпускала іх гродзенская фабрыка цацак, якая ўвайшла ў гісторыю нашага горада пад дзіўнаватым скаротам ДИФА.
12 сакавіка спаўняецца 30 гадоў з дня стварэння гісторыка-культурнага клуба “Паходня” – адной з найстарэйшых беларускіх суполак. Шмат гадоў “Паходня” ладзіла сустрэчы і імпрэзы з удзелам пісьменнікаў, гісторыкаў, мастакоў, філосафаў, прадстаўнікоў беларускай дыяспары, змагалася за захванне архітэктуры, нават праводзіла рок-фестываль. Заснавальнік і першы старшыня “Паходні” Мікола Таранда падрабязна расказаў пра першыя гады суполкі.
