Суботні вечар адзначыўся адкрыццём V Біг-Міні-фестывалю вулічнага мастацтва. На нашых фота – разнастайнасць вобразаў і жанраў, розных кірункаў: ад жывых статуй да інтэрактыўнага тэатра.
Мы сабралі вялікі спіс летніх фестываляў на любы густ і кашалёк. Сярод іх опэн-эйры ў Беларусі, Польшы, Украіне і Расіі. Для тых, хто застаецца ў Гродне, мы таксама знайшлі, куды схадзіць летам.
Мерапрыемства на базе адпачынку “Вялес”, што ў 15 кіламетрах ад абласнога цэнтра, праводзіцца другі раз. Арганізатарамі дзіцячага фестывалю “Артпикник” выступілі, як і летась, энтузіясты, якія калсці проста вырашылі правесці для дзяцей незвычайнае свята і кінулі кліч сярод зацікаўленых, піша TUT.BY.
Малады мастак са Смаргоні Анро (Андрэй Рогач) малюе Леніна, каб папярэдзіць пра спаўзанне ў маральную бездань: “Беларусы засталіся ў савецкай веры, бо Ленін для савецкага чалавека быў гэткай жа велічынёй, як Ісус для хрысціяніна”, — кажа ён у размове з svaboda.org.
У гарадзенскім Тэатры лялек рыхтуюцца да прэм’еры чэхаўскай “Чайкі”. Камедыі, прыняць якую ад часу яе стварэння зусім не проста. Чаму п’еса, напоўненая болем і непаразуменнямі, названа камедыяй – большасці тагачасных гледачоў было не зразумела. Ды і для сённяшніх аматараў тэатра гэта не заўжды празрыста. Адказы на дылетантскае пытанне “Дзе смяяцца?” шукаем у асяродку адмыслоўцаў.
Хаця 175 год з дня нараджэння Элізы Ажэшкі мінула 6 чэрвеня, святочныя мерапрыемствы з гэтай нагоды правялі 9 чэрвеня. У гэты вечар каля дома пісьменніцы чыталі творы, а таксама прэзентавалі спецыяльны канверт выпушчаны да 175-годдзя нараджэння пісьменніцы.
Спектакль паводле п’есы Казіса Саі “Клеменс” паставіў ў Гродзенскім драматычным тэатры рэжысёр з Мінска Міхаіл Лашыцкі. У спектаклі зайграюць амаль усе акторы тэатра, а галоўную ролю сыграе непрафесійны актор. Першы прэм’ерны паказ адбудзецца ў Гродне 10 чэрвеня, але рэжысёр прызнаўся, што цалкам паглядзіць пастаноўку дзесці на дзясяты раз, калі спектакль ужо “прыжывецца” да сцэны і гледачоў.
Хэдлайнерамі сёлетняга заключнага канцэрту на Фестывалі нацыянальных культур былі гурты PAWA i J:Морс. Яны выступілі на Савецкай плошчы ў канцы другога дня свята.
Вечар чэрлідынгу, хіп-хопу, ірландскіх, індыйскіх і іншых традыцыйных танцаў адбыўся 4 чэрвеня ў парку Жылібера. Таксама можна было паглядзець stand up ад беларускіх і замежных выступоўцаў.
Адкрытая лекцыя арт-крытыка Тані Арцімовіч “Руйнуючы межы: канец чыстага мастацтва” прайшла 2 чэрвеня ў ДОМе 46. Наведвальнікі пачулі пра развіццё сучаснага мастацтва і пазнаёміліся з шэрагам знакавых праектаў беларускіх і замежных творцаў. Прапануем 10 тэзісаў з лекцыі для тых, хто не змог яе наведаць.
