Польскі рэжысёр паставіць на сцэне Гродзенскага драмтэатра гогалеўскі “Шынэль”
Рэпетыцыі пад кіраўніцтвам беластоцкага рэжысёра Пятра Данброўскага ўжо пачаліся.
Прэм’ера прызначана на 15 траўня.
У спектаклі заняты 21 актор з трупы Гродзенскага драматычнага тэатра.
У тым ліку заслужаныя артысты Беларусі Сяргей Курыленка, Аляксандр Шэлкаплясаў і Мікалай Емельянаў, акторы Аляксандр Калагрыў, Аляксандр Луцэнка, Алла Лук’янава, Аксана Машынкова, Анатоль Кандыба.
Сцэнограф – Алесь Сураў, мастак па касцюмах Вольга Шчарбінская, музычнае афармленне Анатоля Кандыбы, балетмейстар Аляксандр Цебянькоў.
Польскаму рэжысёру дапамагае галоўны рэжысёр тэатра Генадзь Мушперт.
Здымак neva.fm