Дзе на Гарадзеншчыне жыць добра? Падводзім вынікі
Заробкі і занятасць, колькасць лекараў-спецыялістаў і злачыннасць, будаўніцтва жытла і чысціня паветра – гэта няпоўны пералік паказчыкаў, з дапамогай якіх мы спрабавалі даць адказ, дзе на Гарадзеншчыне жыць добра.
Вось агульная табліца, у якой адлюстраваныя месцы раёнаў па кожным з паказчыкаў.
Чым ніжэйшая сума месцаў – тым больш высокае месца ў рэйтынгу займае той альбо іншы раён.
Яшчэ нядаўна пра гэты раён казалі “Астравец – свету канец!”. Размеркавання сюды як вагню баяліся настаўнікі ды медыкі.
Цяпер Астравецкі раён – адно з найбольш прываблівых для працы і жыцця месца на Гарадзеншчыне, што і падцвярджае нашае даследаванне.
Вялізныя інвестыцыі ў пабудову інфраструктуры для будучай Астравецкай АЭС выклікалі тут бум будаўніцтва і надалі новы штуршок развіццю бізнеса.
Ці ўтрымаецца Астравеччына на вышыні нашага рэйтынгу ў наступныя гады, будзе залежыць у многім ад таго, як будуць рухацца справы з фінансаваннем будаўніцтва АЭС.
“Твой стыль” ужо пісаў, што нядаўна тэрміны ўводу ў эксплуатацыю энэргаблокаў станцыі зноў былі перанесеныя на пазнейшы тэрмін.
Ну але пакуль Астравец – рэйтынгу вянец!
Чытайце таксама:
Дзе на Гарадзеншчыне жыць добра: заробкі і занятасць
Дзе на Гарадзеншчыне жыць добра: жыллё
Дзе на Гарадзеншчыне жыць добра: жыццё і смерць
Дзе на Гарадзеншчыне жыць бяспечней?