“Нёман” пацярпеў буйное паражэнне ад салігорскага “Шахцёра”

Старт у “Нёмана” не атрымаўся. Салігорцам спатрэбілася ўсяго толькі 53 секунды, што б адкрыць лiк. Вызначыўся серб Човіч.

 

Як не дзіўна, але пасля гола “Шахцёр” не спыніўся і пайшоў далей наперад. Добры момант падвоіць перавагу сваёй каманды меў Юрэвіч, але мяч пасля ўдару паўабаронцы праляцеў міма.

 

На 29-й хвіліне пасля падачы вуглавога Сяргей Мацвейчык ўсё-ткі падвойвае перавагу “Шахцёра”.

 

Сяргей Саладоўнікаў вырашае памяняць моладзь: замест Забеліна і Ляшко выйшлі дасведчаныя Дзянісевіч і Кавалёнак. 

 

А пасля перапынку ў дадатак да іх на полі з’явіўся яшчэ і Андрэй Горбач, які зямяніў абаронцу Анюкевiча.

 

Але гульня не змяніла свой характар – гаспадары як дамінавалі, так і засталіся дамінаваць.

 

На 72 хвіліне “Шахцёр” даводзіць лiк да разгромнага. Пасля вуглавога мяч трапіў Камароўскаму, які выкарыстаў свой шанец.

 

На 80-й хвіліне гарадзенцы мелі шанец скараціць адставанне, але Бомбель не змог забіць пенальці.

 

 Да канца матчу лiк так і застаўся 3:0. “Нёману” не атрымалася пазбегнуць першага з 2012 года буйнога паражэння.

 

Галоўны трэнер “Нёмана” Сяргей Саладоўнікаў пасля матчу адзначыў:

 

«У футболе дробязяў не бывае. Не толькі маладых футбалістаў трэба вучыць рыхтавацца да матчаў. Выпалі тры гульцы, хуткі гол, затым рыкашэт, такая фора… А “Шахцёр” – сур’ёзная каманда і памылак не даруе.

 

Калі пабудавана стратэгія клуба, то яна павінна рэалізоўвацца і трэба ўмець трываць і рыхтавацца да матчаў.

 

Гэта нават важней, чым гуляць. Падрыхтоўка да наступнага матчу пачынаецца пасля заканчэння папярэдняй гульні, у нас у гэтым плане яшчэ не ўсе прафесійна падрыхтаваныя. Канцоўка першага тайма і другая палова былі зусім іншымі. Абнадзейлівымі. Ёсць аптымістычны настрой, ёсць над чым працаваць».

 

Пасля матчу з “Шахцёрам” гарадзенскі “Нёман” апускаецца на дно турнірнай табліцы з двума ачкамі ў актыве.

 

10 траўня. “Шахцёр”, Салігорск – “Нёман” 3:0

 

Фота: fcshahter.by