Этап Кубка Свету па флейрынгу пройдзе ў Гродне: лепшыя бармэны пазмагаюцца за 6000 еўра
Флейрынг – артыстычнае прыгатаванне кактэйляў з элементамі жангліравання. Флейрынг існуе ўжо больш за 150 гадоў. Лічыцца, што яго прыдумаў амерыканскі бармэн Джэры Томас па мянушцы “Прафесар”.
Падобныя спаборніцтвы ў Гродне сталі развівацца шэсць гадоў таму, калі тут прайшоў першы чэмпіянат Беларусі па флейрынгу. Праз чатыры гады на Метro flair сталі прыязджаць сусветнавядомыя суддзі і бармэны. З кожным годам прызавы фонд падрастаў і ў 2016 годзе склаў каля 6000 еўра.
Арганізатар чэмпіянату Аляксандр Латош распавядае, што ў Беларусі спаборніцтва такога высокага ўзроўню праводзіцца выключна ў Гродне:
“Гэта этап кубка свету Сусветнай Асацыяцыі Флейрынга і адзіны чэмпіянат у Беларусі, які атрымаў дазвол у асацыяцыі для правядзення на такім узроўні. Як і ў мінулым годзе, у нас будзе прамая трансляцыя. Тады за намі назірала каля 8000 чалавек з усяго свету. У гэтым годзе акрамя ўзнагароджання мужчын, у нас будзе і асобнае ўзнагароджанне жанчын. Таксама па выніках конкурсу выявім лепшага бармэна Беларусі, які пасля адправіцца на адзін з самых прэстыжных чэмпіянатаў у Лондан.”
Удзельніца Metro Flair 2015
Выступае пераможца Metro Flair 2015 італьянец Бруна Ванзан
Праграма конкурсу будзе максімальна насычанай:
08.00 – 08.30 – рэгістрацыя
08.30 – 09.30 – брыфінг
10.00 – 19.30 – кваліфікацыя
20.00 – 23.30 – фінал
00.00 – 01.00 – цырымонія ўзнагароджання
01.00 – 06.00 – афтэрпаці
Судзіць конкурс будзе міжнародная каманда.
Старэйшы суддзя: Том Даер – Англія
Суддзі: Тiмпа Нiсанен – Фiнляндыя, Сяргей Сiдарэнка – Украіна, Аляксандр Грэбенюк – Украіна
“Паколькі гэта этап чэмпіянату свету, на конкурс такога ўзроўню прыедуць шматлікія зоркі. Для іх гэта важна, бо яны на кожным такім этапе зарабляюць балы, якія потым сумуюцца, а па выніках усяго году выяўляюцца лепшыя“, – тлумачыць Аляксандр Латош
Чакаецца прыезд тройкі лепшых бармэнаў свету:
1. Аляксандр Штыфанаў – Расiя
2. Бруно Ванзан – Італія
3. Лука Валянцін – Румынія
А вось праблiзны спiс удзельнiкаў:
align=”” alt=”Metro Flair 2016 Hrodna Grodno Belarus” width=”507.5″ height=”634.2″ ratio=”70″>
Варта адзначыць, што 28 студзеня ў рамках чэмпіянату “Metro Flair World Open 2016” пройдзе майстар-клас латвійскага віртуоза, чэмпіёна свету, пераможцы “Flair Mania 2015”, Дзяніса Трыфанаўса. Дзяніс цягам чатырох гадзін пакажа пачаткоўцам з чаго пачынаць і як рыхтавацца да конкурсаў, а прафесіяналам дапаможа ў развіцці ўласнага стылю.
Фота clubbaza.by