Маразы ўзмацняюцца: на Гарадзеншчыне да -27
На 4 – 6°С ніжэй за кліматычную норму чакаецца і сярэдняя дэкадная тэмпература паветра (норма -5,3…-6,8°С).
За трое сутак на поўначы Гродзенскай вобласці выпала 10 мм снегу (дэкадная норма – 11 мм). Вышыня снежнага покрыва на большай частцы тэрыторыі склала 20-30 см, на захадзе – да 16 см.
Сёння апоўдні ў Гродне было -17,4º С.
У бліжэйшую ноч чакаецца -13…-15º С, па вобласці да -17 º С.
Часам снег, слабая мяцеліца.
22 студзеня будзе воблачна з праясненнямі, часам снег, вецер паўночна-усходні 5-10 м/с, парывы да 12 м/с, на асобных участках дарог галалёдзіца.
Тэмпература паветра -8…-10 º С па горадзе, -7…-12 º С – па вобласці.
Паводле папярэдняга прагнозу “Гроднааблгідрамету” 23-24 студзеня чакаецца пераменная воблачнасць.
23-га ўначы месцамі кароткачасовы снег, днём без істотных ападкаў. На дарогах месцамі галаледзіца.
Вецер паўночна-усходні, паўночны 3-8 м/с.
Тэмпература паветра ўначы -13…-18°С, месцамі да -20°С, днём -8…-13°С.
25-27 студзеня ў асобных раёнах Гродзенскай вобласці магчымы невялікі снег.
Уначы і раніцай месцамі слабы туман, галаледзіца.
Тэмпература паветра ноччу -15…-20°С, пры праясненнях да -25…-27°С, максімальная тэмпература паветра днём -8…-13°С.
Здымак http://estoday.livejournal.com