Улады Падляшша хочуць зрабіць свой рэгіён бязвізавым для беларусаў

|

Самакіраванне Падляшскага ваяводства плануе весці перамовы з Міністэрствам замежных спраў Польшчы наконт таго, каб увесці ў рэгіёне бязвізавы рух для турыстаў з Беларусі. Пра гэта ішла гаворка 7 кастрычніка на сустрэчы з прадстаўнікамі Гродзенскага аблвыканкама і гродзенскіх турыстычных фірм ды арганізацый. Сустрэча прайшла ў адным з беластоцкіх гатэляў, за закрытымі дзвярыма – журналістаў туды не пусцілі, піша bialystok.wyborcza.pl.

Гарадзенцаў запрашаюць аднавіць лес пасля летніх ветравалаў

|

Ураганы гэтага лета запомніліся гарадзенцам затопленымі вуліцамі, пашкоджанымі дахамі і паламанымі дрэвамі ў горадзе. За межамі горада разбурэнні былі не менш значнымі. Толькі ў ваколіцах Гродна ветравалам пашкоджана каля 65 гектараў лесу. Каб нанова засадзіць гэтыя плошчы, Гродзенскі лясгас запрашае арганізацыі і жыхароў горада узяць удзел у акцыі “Адновім лес разам!”, што пачынаецца 8 кастрычніка. Работы па аднаўленню леса будуць праводзіцца на тэрыторыі Гожскага лясніцтва. 

Аўтавакзал у Беластоку дажывае апошнія тыдні. У канцы кастрычніка яго зруйнуюць

|

Уласнікі кіёскаў на беластоцкім аўтавакзале мусяць у бліжэйшыя дні разабраць свае даўнія працоўныя месцы. Неўзабаве, каля 10 кастрычніка, пачнецца мантаж імправізаванага часовага вакзала. А ў канцы месяца сённяшні будынак, якому акурат споўнілася 30 гадоў, пачнуць разбураць. Новы вакзал мае адкрыцца ў чэрвені 2017, піша poranny.pl.

У Падляшскім ваяводстве будзе больш электрычак: адна з іх можа прыехаць у Гродна

|

У 2017 годзе колькасць чыгуначных спалучэнняў у суседнім з Гродзеншчынай рэгіёне Польшчы мае павялічыцца больш чым на палову. Цягнікоў з Беластока да Кузніцы будзе не два ў суткі, а ажно пяць. І не выключана, што іх канчатковай станцыяй стане Гродна, піша bialystok.wyborcza.pl.

“Чорны пратэст” у Беластоку: 1,5 тысячы чалавек прайшло ў маўклівым маршы

|

“Мы не падтрымліваем аборты. Мы хочам свабоды і павагі”, – казалі мітынгоўцы. Жанчыны і мужчыны паўдзельнічалі ў агульнапольскім жаночым пратэсце, піша poranny.pl.

Зуброў з-пад Азёраў збіраюцца купіць расейцы і літоўцы

Перамовы на гэтую тэму прайшлі падчас міжнароднага семінара-дыскусіі, арганізаванага Міністэрствам навакольнага асяроддзя Літвы. Літоўцы запрасілі ў Вільню сваіх калег з Гродзенскага абласнога камітэта прыродных рэсурсаў і аховы навакольнага асяроддзя, каб абмеркаваць пытанні прыгранічнага супрацоўніцтва і абмяняцца вопытам у сферы канфіскацыі і перамяшчэння зуброў, піша grodnonews.by.

Парк мініяцюрных замкаў ВКЛ з’явіцца ў Гродзенскай вобласці ў маі 2017

26 верасня ў Прэс-клубе прайшла прэзентацыя Парку мініяцюр замкаў Вялікага Княства Літоўскага. Кіраўнік фонду «Краіна замкаў» Алесь Варыкіш падзяліўся планамі развіцця ідэі і перспектывамі праекта, піша TUT.BY.

“Не нашкодзіць прыродзе сваёй прысутнасцю”. Хто і навошта ладзіць прыборку смецця на Гарадзеншчыне

У бліжэйшую суботу, 1 кастрычніка, па ўсёй Беларусі пройдуць валанцёрскія прыборкі смецця ў межах сусветнай кампаніі “Зробім”. Напярэдадні акцыі каардынатары мерапрыемства па Гарадзенскай вобласці расказалі “Твайму стылю”, калі і чаму вырашылі стаць валанцёрамі, з якімі цяжкасцямі даводзіцца сутыкацца і, галоўнае, – ці маюць такія акцыі вынік.

“Трэба было ехаць з ім”. Маму Сашы Аўдзевіча, які праехаў Еўропу “на руках”, пазбавілі дзяржаўнай дапамогі

Беларус Саша Аўдзевіч, які праехаў 4 тысячы кіламетраў на хэндбайку па Еўропе, вярнуўся на радзіму і даведаўся: яго маму пазбавілі дапамогі па дагляду за інвалідам. Асноўная прычына – за Сашам адсутнічаў кругласутачны дагляд. TUT.BY разбіраўся, што да чаго.

Мясцовыя ўлады Польшчы хочуць стварэння двух новых пунктаў пропуску на мяжы з Беларуссю

|

Неўзабаве могуць з’явіцца новыя пункты пропуску на польска-беларускай мяжы. Патрэбу іх стварэння абазначыла польска-беларуская камісія па справах рэгіянальнага супрацоўніцтва на паседжанні ў Белавежы, піша dziendobry.bialystok.pl.