Гродзенскі школьнік пацярпеў ад інтэрнэт-махляра “Васі Дурава”

11 красавіка 2013 Кася Крот |

Дзеля гэтага неабходна было проста адказаць на SMS-ку.

Пацярпелы пазнаёміўся з карыстальнікам пад нікам “Вася Дураў” праз інтэрнэт, некаторы час перапісваўся з ім.

Заваяваўшы давер непаўналетняга, махляр прапанаваў яму дапамагчы павысіць рэйтынг на сайце.

Хлопец паведаміў свой нумар тэлефона, а пасля адказаў “так” на SMS ад “дабрадзея”.

Небяспечнае SMS-паведамленне было адпраўлена з нумара “5555”.

Пасля гэтага з баланса рахунка спісаліся каля 400 тысяч рублёў.

Да таго ж махляр спрабаваў даведацца нумары тэлефонаў бацькоў сваёй ахвяры.

Следчы камітэт папарэджвае гарадзенцаў пра новы від інтэрнэт-махлярства і заклікае быць пільнымі з незнаёмымі людзьмі.