Чарговы байк-рок-фестываль “Хавайся ў бульбу” сабраў у Гродне мноства аматараў матацыклаў з Беларусі ды замежжа. 30 красавіка, на другі дзень фэсту, гарадзенцы чакалі мотакалону на плошчы Леніна, нягледзячы на кепскае дажджлівае надвор’е. З байкерамі і іх жалезнымі канямі ахвотна фатаграфаваліся дзеці і дарослыя. А арганізатары падрыхтавалі шоў з песнямі і чырлідынгам.
30 красавіка ў Гродне каля тысячы веласіпедыстаў узялі ўдзел у велапрабегу, адкрыўшы такім чынам новы веласезон.
У Гродне на летняй сцэне парку Жылібера 29 красавіка каля двухсот танцораў адзначылі Міжнародны дзень танцаў. Арганізавала вулічны фестываль гарадзенская танцорка Оля Лета.
У час выступу Стаса Пачобута ў гарадзенскім бары “Андэграўнд” 29 красавіка выключылі электрычнасць. Канцэрт усё ж адбыўся – без мікрафона і ў цемры, пад святло запальнічак і тэлефонаў наведвальнікаў. Адміністратарцы ў песні лідара Deviation не спадабалася слова “фашыст”.
Свой першы ў гэтым сезоне матч без галоўнага трэнера гарадзенскі “Нёман” прайграў, пры гэтым не стварыўшы пагроз каля варот суперніка.
Каля Маладзёжнага цэнтра “Гродна” 29 красавіка адкрылі новую сетку велапракатаў, створаную “Гроднааблкінавідэапракатам”. Цяпер гарадзенцам і гасцям горада можна будзе ўзяць ровар у адным месцы, а вярнуць – у іншым.
На пасяджэнні гродзенскага гарвыканкама 29 красавіка былі падведзены вынікі сацыяльна-эканамічнага развіцця Гродна за першы квартал 2016 года. На сустрэчы ўздымалася пытанне аб прамысловасці ў рэгіёне, зарплаце, экспарце і праблемах прадпрыемстваў.
Дыскатэка для вайсковай часткі 5522 і Каледжа тэхнікі, тэхналогій і дызайна (былое вучылішча №120) прайшла 18 красавіка ў Моладзевым цэнтры “Гродна”. “Мерапрыемства для сільнай і мужнай палавіны чалавецтва” прайшло ў межах Года Культуры ў Беларусі, піша kinogrodno.by.
Цырымонія ўручэння штогадовых інтэрнэт-прэмій “ТІБО-2016” адбылася ў Мінску 21 красавіка. У намінацыі “Культура і мастацтва” другое месца заняў рэсурс Музея Максіма Багдановіча www.bagdanovichmuseum.by, які бясплатна распрацавала студыя “Іквадарт”. Пра гэта паведамілі ў фэйсбуку Гродзенскага дзяржаўнага гісторыка-археалагічнага музея.
У Гродне ў дзевятнаццаты раз прайшла краязнаўчая гульня “Я этим городом храним”. Сёлета ў папулярнай сярод школьнікаў забаве ўдзельнічала рэкордная колькасць каманд, якiя павінны былі за тры гадзіны пераадолець 38 кантрольных кропак.
