1 красавіка у Свята-Пакроўскім кафедральным саборы адбылася паніхіда на спачын душы народнага паэта Беларусі Ніла Гілевіча, якi памёр вечарам 29 сакавіка на 85-м годзе жыцця.
Сінтэтычныя алмазы будзе вырабляць у Гродзенскай вобласці новы рэзідэнт свабоднай эканамічнай зоны “Гроднаінвест”, паведамляе БЕЛТА. ТАА “Сінтэтычныя крышталі”, што плануе наладзіць на Гарадзеншчыне вытворчасць па сінтэзу алмазаў для прамысловых і ювелірных патрэб, было зарэгістравана 30 сакавіка.
Зусім хутка ў Гродне пройдзе юбілейны фолк- конкурс “Гарадзенская беларусачка – 2016”. У гэтым годзе арганізатары абяцаюць шмат чаго цікавага. Адным з сюрпрызаў стане калекцыя моднага адзення для конкурсу дэфіле. Яе стваральнікам з’яўляецца былы студэнт Купалаўскага ўніверсітэта Антон Ярошчык, які ўжо паспеў стаць вядомым за мяжой.
У этнакраме “Цудоўня” сябры “Беларускага архіву вуснай гісторыі” зладзілі двухдзённы трэнінг для гарадзенцаў. Наведвальнікі даведаліся навошта збіраць вусныя ўспаміны і як гэта робіцца. “Твой стыль” прадстаўляе асноўныя парады па запісу вусных успамінаў.
На перыяд вясновага нерасту ў Беларускім заканадаўстве прадугледжаны дадатковыя ахоўныя мерапрыемствы, што дазваляюць рыбе аднерасціцца і даць шматлікае і жыццястойкае патомства. Адным з іх з’яўляецца сезоннае абмежаванне на лоў усіх відаў рыб. Дзяржаўная інспекцыя аховы жавёльнага і расліннага свету інфармуе, што тэрміны абмежаванняў залежаць ад рэгіёна, і Гарадзеншчыне яны дзейнічаюць ад 1 красавіка да 30 мая. Кампенсаваць нанесеную прыродзе шкоду парушальнікам прыдзецца не менш, чым у трайным памеры.
Камітэт дзяржаўнага кантролю прызнаў недастатковай працу па ахове навакольнага асяроддзя ў Гродзенскай вобласці. Да такіх высноваў 31 сакавіка прышлі на абласной калегіі КДК, дзе абмяркоўвалася выкананне заканадаўства аб ахове навакольнага асяроддзя i рацыянальным выкарыстаннi прыродных рэсурсаў, паведамляе БЕЛТА.
Напэўна, гісторыю Гародні ў бліжэйшы час можна будзе калі не перапісаць, то дапоўніць. Такое меркаванне 31 сакавіка выказаў ў сваім блогу гарадзенскі краязнаўца Мечыслаў Супрон. Нагодаю для спадзеваў стала знаходка рэшткаў драўлянага паселішча ў аколіцах Зарыцы.
Як паведамляе крыніца “Твайго стылю”, кіраўніцтва чырвона-чорных не працягнула супрацоўніцтва з чэшскім спецыялістам, незважаючы на тое, што яго кантракт быў разлічаны на два гады.
Трэцяга красавіка гарадзенскі футбольны “Нёман” стартуе ў чарговым чэмпіянаце краіны. У першы дзень красавіка наш карэспандэнт зрабіў рэпартаж з сакрэтнай трэніроўкі з удзелам пяцёркі нападнікаў клуба.
Ідэі Івана Петушка па стварэнні невялікай тэрыторыі паркавага тыпу для розных гульняў і Вольгі Салавей па адраджэнні старой баскетбольнай пляцоўкі ўвайшлі ў дваццатку лепшых задумаў па паляпшэнню горада, адабраных журы для далейшай працы над іх рэалізацыяй, паведамляе Гродзенскі зялёны партал. Зараз пераможцы адборачнага тура, што прадстаўляюць 14 гарадоў Беларусі, адправяцца на 7-дзённае навучанне ў Мінску. З дапамогай арганізатараў конкурсу і экспертаў у галіне рэалізацыі гарадскіх і культурных праектаў яны будуць больш дэтальна распрацоўваць свае задумкі.
